LAJMI I FUNDIT:

Bugajski: Koha që Kosova të anëtarësohet në institucionet euroatlantike

Bugajski: Koha që Kosova të anëtarësohet në institucionet euroatlantike

Njohësi i çështjeve të Ballkanit Perëndimor, Janusz Bugajski, tha se ajo çfarë po ndodh në Ukrainë është ide e re e terrorizmit, teksa theksoi se tashmë është koha e duhur që Kosova të bëhet pjesë e NATO-s dhe e BE-së.

“Ajo që po ndodh në Ukrainë e vendos Kremlinin në të njëjtën kategori sikurse disa organizata tjera terroriste si Al Kaida, që janë angazhuar në vende për të vrarë civilë, për të shkatërruar prona siç janë shkollat, spitalet dhe kjo do të jetë edhe më keq sepse Putini është zotuar të kontrollojë Ukrainën apo edhe ta shkatërroj atë”, ka theksuar Bugajski.

Ai ka thënë se Perëndimi në këtë rast nuk ka bërë aq sa duhet, pasi nuk i ka armatosur sa duhet ukrainasit dhe tashmë po shihen edhe pasojat.

“Gjithsesi, NATO ka ofruar armatim, janë edhe vullnetarë që po kyçen në këtë luftë, pastaj të gjitha këto sanksionet kundrejt Rusisë. NATO i ka kalkuluar këto gjëra, po e kuptoj mosreagimin në fushëbetejë. Pyetja është se a do të jetë edhe më tutje Ukraina apo do të jetë një vend tjetër. Mendoj se duhet të bëhet shumë më tepër për të furnizuar ukrainasit me avionë dhe luftarake të cilat ju nevojiten që të shkatërrojnë sa më shumë arterie ruse, avionët dhe këmbësorinë e tyre. Pra, është dashur të bëhet më shumë, por ndoshta ende nuk është vonë”, ka thënë Bugajski në një lidhje direkte në RTK.

Sipas tij janë shumë gjëra duke ndodhur në të njëjtën kohë brenda Rusisë dhe se situata do të bëhet interesante javët e ardhshme. Megjithatë ai nuk pret që angazhimi i tanishëm perëndimor ta ndalë agresionin rus kundër Ukrainës.

“Nuk pres që kjo të ndodhë në afat të shkurtër. Putini ose është i zotuar ta pushtojë ose ta shkatërrojë Ukrainën. Do të ishte mirë që të shkatërrohet sa më shumë që është e mundur ekonomia dhe ushtria ruse, në mënyrë që të detyrohet populli i Rusisë të ngriten kundër regjimit të Putinit. Nëse kjo nuk ndodhë atëherë shumë rusë do të vuajnë jashtëzakonisht shumë si pasojë e kthimit të hakmarrjes ndaj ekonomisë ruse”, është shprehur Bugajski.

Ai ka thënë se situata aktuale në Ukrainë dhe rreziku që i kërcënon vendet e tjera është një mundësi e mirë për Kosovën për të depërtuar në organizmat ndërkombëtar, në mënyrë që të jetë vend më i sigurt.

“Është momenti i duhur për anëtarësim të Kosovës në NATO, në Bashkimin Evropian, në Këshillin e Evropës, në cilindo institucion që mund ta forcojë sigurinë e Kosovës. Konsideroj që është koha për të njohur Kosovën. Tashmë Turqia dhe Kroacia e kanë përkrahur anëtarësimin e Kosovës në këto mekanizma. Tani është momenti i duhur për të parë se çfarë po bën Kosova për të rritur anëtarësimin në institucionet euroatlantike”, ka thënë Bugajski.


Në trend Lajme

Më shumë
Eksperti i sigurisë, Shala: Kosova do prodhojë dronë dhe do të jetë lider në Ballkanin Perëndimor

Eksperti i sigurisë, Shala: Kosova do prodhojë dronë dhe do të jetë lider në Ballkanin Perëndimor

Siguri
Avokatët e shoferit që aksidentoi me veturë burrin e Shkurte Fejzës: Aksidenti ndodhi pa qëllim, klientit tonë iu konfiskua telefoni

Avokatët e shoferit që aksidentoi me veturë burrin e Shkurte Fejzës: Aksidenti ndodhi pa qëllim, klientit tonë iu konfiskua telefoni

Drejtësi
Tërmet në Shqipëri

Tërmet në Shqipëri

Lajme
Lushtaku viziton Musliun në spital: Ganja është sinonim i gruas së fortë e cila nuk dorëzohet asnjëherë

Lushtaku viziton Musliun në spital: Ganja është sinonim i gruas së fortë e cila nuk dorëzohet asnjëherë

Lajme
Pse u vra Pëllumb Meta, detaje të ngjarjes tragjike

Pse u vra Pëllumb Meta, detaje të ngjarjes tragjike

Lajme
Arrestohet personi që kreu vjedhje në shtëpinë e zyrtarit të AKI-së, policia jep detaje

Arrestohet personi që kreu vjedhje në shtëpinë e zyrtarit të AKI-së, policia jep detaje

Kronika e Zezë
Kalo në kategori