LAJMI I FUNDIT:

Buffon dhe Allegri e kishin paguar aeroplanin privat që i dërgoi lojtarët e Juves në varrimin e Astorit

Buffon dhe Allegri e kishin paguar aeroplanin privat që i dërgoi lojtarët e Juves në varrimin e Astorit
(Foto: Getty Images)

Gianluigi Buffon dhe Massimiliano Allegri e kanë paguar nga xhepi i tyre aeroplanin privat, me të cilin skuadra e Juventusit arriti në funeralin e Davide Astorit – bëjnë të ditur mediat italiane.

Bianconerët zhvilluan ndeshjen e Ligës së Kampionëve kundër Tottenham Hotspurit të mërkurën në Londër, ndërsa varrimi i kapitenit të Fiorentinas ishte një ditë pas.

(Foto: Getty Images)

Delegacioni i Juves ia arriti të ishte i pranishëm në Firence, gjë që u përshëndet dhe u pritën me duartrokitje nga tifozët e Violas, përkundër rivalitetit të madh midis klubeve.


Të gjitha lajmet për DAVIDE ASTORIN
Lexo po ashtu Të gjitha lajmet për DAVIDE ASTORIN

Tash, La Nazione raporton se pas ndeshjes ndaj Spursave, Buffon u kishte thënë bashkëlojtarëve se një aeroplan privat do t’i dërgonte në Firence për të marrë pjesë në varrimin e futbollistit italian.

(Foto: Getty Images)

Kapiteni u kishte thënë futbollistëve të Juves se kushdo që dëshironte të merrte pjesë në funeral, të paraqitej në hollin e hotelit, derisa të tjerët mund të qëndronin dhe se i kuptonte ata që dëshironin të pushojnë pas një ndeshjeje aq të lodhshme.

Megjithatë, të gjithë lojtarët u paraqitën për të shkuar në varrim, porse aeroplani ishte i vogël dhe nuk kishte vend për të gjithë.

(Foto: Getty Images)

Sipas La Nazione, Buffon dhe Allegri e kishin paguar aeroplanin me 12 ulëse për t’u nisur drejt Firences, ku i ka pritur edhe Federico Bernardeschi.

Gazeta, po ashtu, raporton se policia italiane i kishte propozuar delegacionit të Juventusit që të hynte në Basilica di Santa Croce nga hyrja e pasme, mirëpo Buffon u kishte kërkuar bashkëlojtarëve që të ecnin rrotull dhe të hynin përpara për të shprehur solidaritetin e tyre me qytetarët e Firences.

(Foto: Getty Images)

Kapiteni i Juves më pas i ka falënderuar tifozët e Fiorentinas për reagimin e tyre pas arritjes së lojtarëve Bianconerë. /Telegrafi/

Në trend Sport

Më shumë
Ylli i Liverpoolit po kërkon largimin, i vetëofrohet Barcelonës

Ylli i Liverpoolit po kërkon largimin, i vetëofrohet Barcelonës

Ndërkombëtare
Sensacioni spanjoll i Ligës Premier ‘ëndërron’ transferimin tek Real Madridi

Sensacioni spanjoll i Ligës Premier ‘ëndërron’ transferimin tek Real Madridi

Premier League
Arsenali duhet të dëgjojë këshillat e Thierry Henrys për ta eliminuar Real Madridin

Arsenali duhet të dëgjojë këshillat e Thierry Henrys për ta eliminuar Real Madridin

Liga e Kampionëve
Ronaldo ofendoi brutalisht Man Unitedin dhe Juventusin në reklamën e tij të parfumit

Ronaldo ofendoi brutalisht Man Unitedin dhe Juventusin në reklamën e tij të parfumit

Ligat tjera
Arda Guler e ka bërë të qartë ku dëshiron të transferohet nëse largohet nga Real Madridi

Arda Guler e ka bërë të qartë ku dëshiron të transferohet nëse largohet nga Real Madridi

Ndërkombëtare
Ish-legjenda e Milanit i hedh benzinë zjarrit: Alvarez e preku topin vetëm një herë

Ish-legjenda e Milanit i hedh benzinë zjarrit: Alvarez e preku topin vetëm një herë

Liga e Kampionëve
Kalo në kategori