Një breshkë është bërë yll në TikTok pasi u filmua duke shpëtuar në mënyrë të pabesueshme nga një zjarr që përfshiu strehën e saj.
Video nga kamera e sigurisë tregon se si breshka trevjeçare Leo ikën në mënyrë të pazakontë shpejt drejt vendit të sigurt ndërsa flakët përfshijnë shtëpinë e saj në oborrin e një shtëpie në Fullerton.
Zjarri ishte shkaktuar nga një problem me një ngrohëse, ndërsa pronarët ishin jashtë shtëpisë.
Pronari, Hyeri Tom, ishte në një festë për Super Bowl më 8 shkurt kur zjarri shpërtheu në strehën e breshkës në oborr.
Video tregon breshkën teksa largohet nga zjarri që po shkatërronte shtëpinë e saj. Leo arriti t’i shpëtojë duke ecur sa më shpejt që mundi deri në anën tjetër të oborrit. Fatmirësisht, zjarri nuk u përhap më tej, pasi fqinjët e vunë re dhe e fikën shpejt.
Për shkak të ikjes së saj të guximshme — e cila është shumë më e shpejtë se ç’pritet për një breshkë - videoja e Leo-s është bërë virale me mbi 2.9 milionë shikime. /Telegrafi/
