0Shares

Banorët e Shipitullës brenda një muaji do të largohen që t’u lëshojnë udhë ekskavatorëve të KEK-ut që do të nisin mihjen për t’i furnizuar termocentralet me thëngjill.

Vendimi final për shpronësimin e 17 pronave është bërë gati nga Ministria e Mjedisit dhe në fillim të javës dorëzohet në Qeveri për miratim.

KEK-u ka bërë kërkesën për shpronësimin e tërë fshatit, derisa kostoja për shpronësim është trefishuar pasi komuna e Obiliqit nuk ka arritur t’i ndalë ndërtimet pa leje.

Afrim Murati, drejtor për shpronësim në Ministrinë e Mjedisit, thotë se qytetarët është dashur të pranojnë marrëveshjen me KEK-un, pasi e konsideron me të favorshme për banorët sesa shpronësimin me ligj.

Ai thotë se banorët nuk do të fitojnë punësim, pos nëse ketë e fitojnë me gjyq.

“Ligji për shpronësimin e pronës së paluajtshme ofrohet strehimi i përkohshëm, për periudhën 4 mujore, dhe me kalimin e periudhës 4-mujore përfundon procesi”, tha ai për RTK-në.

KEK-u ka ndarë mjetet e nevojshme për zhvendosjen e Shipitullës në vlerë prej 15.5 milionë euro.

Të Ngjajshme
Shfaq Komentet (0)