Braktisja e fshatrave, në Buçan të Pejës popullsia ka rënë nga 700 në vetëm 443 banorë

Demokracia për Zhvillim D4D ka publikuar disa të dhëna për fshatin Buçan të Komunës së Pejës.

Në të dhënat e publikuara thuhet se në këtë fshat ka rënie të popullsisë, transmeton Telegrafi.

"Ky grafikon paraqet një realitet shqetësues: Popullsia ka rënë nga rreth 700 në vetëm 443 banorë në pak më shumë se një dekadë; Vetëm 8 nga 215 gra janë të punësuara; Mungesë e transportit të rregullt publik", thuhet në njoftim.

Tutje, thuhet se këto të dhëna tregojnë qartë nevojën për masa urgjente për të parandaluar shpërnguljen dhe për të përmirësuar mundësitë e jetesës në fshat.