LAJMI I FUNDIT:

Bota nderon Madeleine Albright: Ajo ndërhyri në parandalimin e gjenocidit serb në Kosovë

Bota nderon Madeleine Albright: Ajo ndërhyri në parandalimin e gjenocidit serb në Kosovë

Presidenti amerikan, Joe Biden lavdëroi të mërkurën Madeleine Albright, duke e përshkruar sekretaren e parë femër të shtetit amerikan si një “forcë të natyrës” dhe një kampione të demokracisë.

“Me mirësinë dhe hirin e saj, humanizmin dhe intelektin e saj, ajo ndryshoi rrjedhën e historisë”, tha Biden gjatë shërbimit funeral në Katedralen Kombëtare të Uashingtonit, raporton cnn.

“Ajo gjithmonë kishte aftësi për t’ia shpjeguar popullit amerikan pse ka rëndësi që njerëzit kudo në botë të marrin frymë në mënyrë të lirë”, tha ai.

Faleminderit Madeleine Albright
Lexo po ashtu Faleminderit Madeleine Albright

Presidenti tha se mësoi për vdekjen e Albrightit ndërsa po udhëtonte për në Evropë gjatë një takimi urgjent me aleatët e NATO-s për të diskutuar pushtimin rus të Ukrainës.

“Nuk më humbi fakti që Madeleine ishte një pjesë e madhe e arsyes që NATO ishte ende e fortë dhe madhëshotre, siç është sot”, tha Biden.

Biden e përshkroi Albrightin si një avokate e grave të reja në sigurinë kombëtare, duke u siguruar gjithmonë se ato kishin një vend në tryezë dhe ishte mentore e “brezave të rinj në politikën e jashtme “.

Albright, e cila vdiq në muajin mars nga kanceri në moshën 84-vjeçare, do të mbahet mend në Kosovë, pasi në vitin 1999 e bindi presidentin e atëhershëm amerikan, Bill Clinton që të filloi sulmet ajrore ndaj Serbisë për parandalimin e gjenocidit ndaj popullatës shqiptare.

Ndërhyrja e NATO-s në Kosovë është cilësuar si “Lufta e Madeleinet”.

Blinken kujton se si falë angazhimit të madh të Albright, SHBA mbrojti shqiptarët në Kosovë nga agresioni serb
Lexo po ashtu Blinken kujton se si falë angazhimit të madh të Albright, SHBA mbrojti shqiptarët në Kosovë nga agresioni serb

Ndërkohë, Albright shërbeu edhe si ambasadore amerikane në Kombet e Bashkuara përpara se të zgjidhej si Sekretarja e parë femër e Shtetit.

Ajo u përpoq të reduktonte përhapjen e armëve bërthamore dhe promovoi të drejtat e njeriut dhe demokracinë në të gjithë globin.

Në ceremoninë përkujtimore, Bill Clinton dhe ish-sekretarja e Shtetit, Hillary Clinton, do të mbajnë fjalime, ndërsa sekretari aktual i Shtetit, Antony Blinken, dhe paraardhësit e tij, Condoleezza Rice dhe John Kerry, do të jenë të pranishëm.

Presidentja e Kosovës, Vjosa Osmani dhe kryeministri, Albin Kurti takohen me Sekretarin amerikan të Shtetit, Antony Blinken para ceremonisë së varrimit të Albright 

Nga autoritetet e huaja që po marrin pjesë janë edhe presidentja e Kosovës, Vjosa Osmani, kryeministri Albin Kurti, si dhe zyrtarë të lartë nga Bosnja dhe Hercegovina, Republika Çeke dhe Kolumbia.

​Osmani e Kurti takojnë Blinken në funeralin e Albright në SHBA
Lexo po ashtu ​Osmani e Kurti takojnë Blinken në funeralin e Albright në SHBA

Ndryshe, Albright ka lindur në Çekosllovakinë e atëhershme, por familja e saj është larguar dy herë – fillimisht nga nazistët dhe më pas nga sundimi sovjetik.

Ata kanë përfunduar në Shtetet e Bashkuara, ku Albright ka studiuar në Kolegjin Wellesley. /Telegrafi/

Në trend Botë

Më shumë
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Evropa
Putin thotë se Rusia nuk do të sulmojë NATO-n, por kjo nuk vlen për aeroplanët F-16 që dërgohen në Ukrainë

Putin thotë se Rusia nuk do të sulmojë NATO-n, por kjo nuk vlen për aeroplanët F-16 që dërgohen në Ukrainë

Botë
Votimi kundër Kosovës në Këshillin e Evropës nga Mali i Zi, heshtin kryeministri Spajiq, ministri i jashtëm Ivanoviq dhe partia në pushtet “PES”

Votimi kundër Kosovës në Këshillin e Evropës nga Mali i Zi, heshtin kryeministri Spajiq, ministri i jashtëm Ivanoviq dhe partia në pushtet “PES”

Botë
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Botë
Biden thotë se kombet arabe,

Biden thotë se kombet arabe, "të përgatitura për të njohur plotësisht Izraelin" për herë të parë

Botë
Një veprim që ka

Një veprim që ka "fituar zemrat në mbarë botën" - oficeri i sigurisë në Mekë ndihmon pelegrinin me aftësi të kufizuara për të parë Qaben

Botë
Kalo në kategori