Bonera flet për lëndimin e Ibrahimovicit dhe ndeshjen ndaj Lille, tregon karakterin e suedezit

Daniele Bonera ka insistuar që Zlatan Ibrahimovic dëshiron të kthehet sa më shpejt që është e mundur dhe thotë se një barazim kundër Lille nuk do të jetë i mjaftueshëm.

Ish-mbrojtësi do të ulet edhe njëherë në stolin e Milanit nesër (e enjte) pasi Stefano Pioli dhe ndihmësi i tij janë pozitivë për COVID-19.

“Duhet të them se një barazim do të ishte i mjaftueshëm, por ne duam të imponohemi kudo”, ka thënë fillimisht Bonera në konferencën e shtypit përpara ndeshjes së tyre të Ligës së Evropës në Lille.

🚌 Off to France for our next #UEL chapter 🛫

🚌 In viaggio: destinazione Lille 🛫#LOSCMilan #SempreMilan pic.twitter.com/9TxGwgbFGG

— AC Milan (@acmilan) November 25, 2020

“Ky mentalitet është pjesë e historisë së Milanit dhe ne duhet të vazhdojmë kështu”.

“Lojërat fituese gjithmonë japin një shtysë, ne përballemi me udhëheqësit e grupit tonë. Ne bëmë gabime në ndeshjen e parë, por do të përpiqemi të mos i përsërisim ato dhe të fitojmë ndeshjen”.

“Lille ka lojtarë shumë të mirë në sulm, ata janë një ekip i madh dhe qëndrojnë të dytët në tabelën e Ligue 1”.

Rossonerët do të jenë pa Zlatan Ibrahimovic dhe Bonera beson se luajtja e një ndeshje çdo tre ditë nuk është problem.

“Ne jemi mësuar të luajmë çdo tre ditë, po vazhdon që nga maji. Besoj se nuk është problem pasi kemi një ekip të nivelit të lartë”.

Our squad ahead of #UEL Matchday 4 📋
I convocati per la trasferta di Lille 📋#LOSCMilan #SempreMilan pic.twitter.com/5B8ZXTZSZz

— AC Milan (@acmilan) November 25, 2020

“Kemi disa lojtarë të dëmtuar, por shpirti i ekipit është gjëja më e rëndësishme, ne duhet të tregojmë të njëjtën gjë që bëmë ndaj Napolit”.

“Ibra është e vendosur të kthehet sa më shpejt që të jetë e mundur. Nuk është asnjë lajm, kjo është ajo që e dallon atë. Ai është një atlet i shkëlqyeshëm dhe është i gatshëm të kthehet sa më shpejt”, përfundoi italiani. /Telegrafi/