BMW ngacmon adhuruesit me një foto të modelit që nesër pritet të zyrtarizohet

Sedan plotësisht elektrik do të debutojë një vit pas i4 Concept.

Përafërsisht një vit më parë, BMW zbuloi i4 Concept si një pamje paraprake të një sedan të ri të prodhimit tërësisht elektrik nga kjo markë. Më vonë në vitin 2020, u konfirmua se produkti përfundimtar do të zbulohet këtë vit dhe rezulton se jemi vetëm një ditë larg nga të shohim i4 të ri.

BMW sapo ka konfirmuar se do të zbulojë i4 nesër dhe ka lëshuar një imazh të vetëm të veturës EV.

Informacioni u raportua së pari nga BMW Blog, transmeton Telegrafi.

Imazhi ngacmues nuk zbulon shumë, megjithëse në thelb konfirmon atë që ne tashmë e dinim. Prodhimi i4 do të jetë shumë afër modelit të i4 Concept dhe ne presim vetëm disa ndryshime të vogla, duke përfshirë dritat paksa të ndryshme dhe ndoshta diçka tjetër më të vogël.

Ekziston një tekst i shkurtër që shoqëron imazhin, i cili thekson se ky automjet i ri do të bëhet një “epokë e re” për prodhuesin. Kjo ka të ngjarë të lidhet me faktin se i4 thuhet se do të mbështetet në një brez të ri të baterive. Lajmet e mëparshme tregojnë se ky model pritet të ketë rreth 530 kuaj fuqi (390 kilovat) në modelet e nivelit të lartë. /Telegrafi/