Vajza 13-vjeçare e Beyonce dhe Jay-Z, Blue Ivy Carter, tërhiqte vëmendjen me ngjashmërinë e saj të jashtëzakonshme me nënën, teksa mori pjesë në eventin bamirës “The Angel Ball” në Cipriani Wall Street, New York.
Ajo mbështeti gjyshen e saj, Tina Knowles, e cila u nderua për kontributin e saj në financimin e kërkimeve mbi kancerin, shkruan DailyMail.
Blue Ivy shkëlqeu me një fustan rozë dhe pallto me pupla, të kombinuara me taka elegante, ndërsa Tina zgjodhi një fustan kadifeje ngjyrë burgundy me doreza opere dhe taka me platformë.
Beyonce ndau një fotografi të ëmbël në Instagram duke uruar gjyshen e saj për çmimin e filantropisë.
Pavarësisht moshës së re, Blue Ivy ka një karrierë të pasur me çmime, duke përfshirë një Grammy dhe disa rekorde Guinness.
Ajo gjithashtu ka marrë pjesë në turnetë botërorë të nënës së saj, duke debutuar në skenë si balerinë zëvendësuese.
Tina Knowles theksoi rëndësinë e edukimit dhe disiplinës për nipërit e mbesat e saj, duke shpjeguar se Blue dhe motra e saj më e vogël, Rumi, mësojnë të punojnë fort dhe të jenë njerëz të mirë, duke u rritur nën kujdesin e nënave të tyre të famshme. /Telegrafi/
