Blinken: Sirianët duhet të kenë mundësi të ndjekin rrugën e tyre

Sekretari amerikan i Shtetit, Antony Blinken, ka folur nga Jordania, ku ka zhvilluar bisedime me Mbretin Abdullah lidhur me situatën në Siri.

Ai thekson se sirianët “duhet të kenë mundësinë të ndjekin rrugën e tyre” dhe shton se ekziston një “dëshirë e fortë” për të mbështetur një “qasje të bashkuar” për Sirinë.

“Po zhvillojmë diskutime të detajuara se si do të duket kjo dhe pres që të shihni shtete që bashkohen për të mbështetur këtë qasje”, tha ai, raporton skynews.

Lexo po ashtu U raportua si i zhdukur, por u gjet në burgun e Sirisë - shtetasi amerikan flet pas lirimit

Blinken theksoi se procesi i së ardhmes së Sirisë “në fund të fundit duhet të udhëhiqet nga vetë sirianët”.

Megjithatë, kur u pyet se si do të duket ky proces, ai nuk mundi të japë më shumë detaje.

I pyetur gjithashtu për një shtetas amerikan që është gjetur në një burg në Siri, Blinken shtoi se “nuk mund të jap detaje për atë që do të ndodhë, por po punojmë për ta kthyer atë në shtëpi dhe jashtë Sirisë”.

Ndryshe, rebelët sirianë kanë arritur që ta largojnë nga pushteti presidentin, Bashar al-Assad, i cili kishte dominuar për shumë vite politikën në Siri. /Telegrafi/