Bleu një Alfa të re, shfaqet ndryshk në automjet – shitësi i thotë kanadezit “është normale”

Një pronar nga Vankuveri i Kanadasë, i një SUV-i Tonale, pretendon se automjeti i tij është ndryshkur – dhe këtë pas vetëm një viti përdorimi.

Megjithatë, kur kërkoi që të riparohej brenda garancisë, u prit me një dush të ftohtë – shitësi refuzoi ta pranonte problemin, duke pretenduar se “është gjithçka normale”, raporton CarScoops.

Pronari i Alfës së bardhë postoi në Reddit se beson që problemi është shkaktuar nga një sistem i dobët kullimi në derën e pasme të SUV-it, i cili po shkakton grumbullimin e ujit dhe ndryshkjen.

Fotografitë që ai postoi tregojnë zona të vogla ndryshku dhe bojë që shkëputet pranë kamerës së pasme dhe dritave të bagazhit, transmeton Telegrafi.

“Shitësi pretendon se makina është ndërtuar në atë mënyrë, por një makinë e re që është vetëm një vjeç nuk duhet të ndryshket. Në fund, ju mbetet ose të debatoni me shitësin ose të paguani vetë për riparimin”, thotë pronari.

“Stellantis nuk do ta rregullojë këtë brenda garancisë sepse garancia e tyre për ndryshk vlen vetëm kur ndryshku ka depërtuar në bojë”, shtoi ai.

Fotot tregojnë ënjtjen e bojës, e cila shpesh është një shenjë se lagështia është bllokuar nën sipërfaqe gjatë lyerjes – një defekt i mundshëm prodhimi. Megjithatë, shitësi po e hedh poshtë pretendimin.

Pronari mori një përgjigje nga ndihmësdrejtori i përgjithshëm i Alfa Romeo Vancouver, duke deklaruar se “është plotësisht normale” dhe se “kështu duket çdo Tonale”.

Ai madje i dërgoi një foto të një automjeti tjetër për të konfirmuar. Disa përdorues të Reddit spekulojnë se mund të jetë një defekt i izoluar prodhimi, pasi nuk ka raportime të tjera për probleme të ngjashme.

Por edhe nëse është kështu – a nuk duhet që shitësi ta rregullojë problemin pa asnjë kosto shtesë për pronarin?

Për shkak të një kufizimi teknik në garanci, blerësi mbeti pa mbështetje dhe shenjat e dukshme të përkeqësimit të automjetit u injoruan praktikisht. Duket se lufta për drejtësi vetëm sa do të nxehet. /Telegrafi/

Avoid the Tonale like the plague
byu/variglog inAlfaRomeo