Blake Lively ka vazhduar të kritikojë regjisorin e "It Ends With Us", Justin Baldoni, mes një beteje ligjore të ashpër që po zhvillohet mes tyre.
Ajo e akuzoi Baldonin për ngacmim seksual dhe për nisjen e një "fushate shpifjeje" ndaj saj, duke kërkuar që të heqë padinë e tij për shpifje prej 400 milionë dollarësh (rreth 353 milionë euro).
Baldoni gjithashtu ka ngritur një padi prej 250 milionë dollarësh (rreth 221 milionë euro) për shpifje kundër New York Times për raportimin e akuzave të Lively.
Të enjten, Lively akuzoi Baldonin për përdorimin e taktikave të "tokës së djegur" në përpjekje për të heshtur viktimat e ngacmimeve seksuale.
Ekipi ligjor i Lively e kritikon Baldonin për përpjekjen e tij për të rrëzuar ligjet që mbrojnë viktimat e ngacmimeve, veçanërisht ligjin e Kalifornisë që ndalon përdorimin e padive për shpifje si një mjet për të heshtur akuzuesit.
Në përgjigjen e saj ligjore të depozituar më 10 prill, Lively tha se Baldoni dhe ekipi i tij janë përpjekur të dëmtojnë reputacionin e saj, duke e detyruar atë të luftojë për të drejtat e viktimave të ngacmimeve seksuale.
"Lively do të vazhdojë t’u tregojë të gjitha viktimave se nuk janë vetëm dhe se ligji është në anën e tyre", thuhet në deklaratën e saj. /Telegrafi/
