Dihet që bimët pastrojnë ajrin në një mënyrë natyrale, e cila lejon një jetë më të shëndetshme dhe më të mirë në ambiente të mbyllura
Pra, kur mobiloni dhoma të tjera në shtëpi, zgjidhni diçka të gjelbër edhe për banjën.
Bimët do të sjellin freski në hapësirë, kështu që vetëm një lule do të jetë e mjaftueshme për ta bërë banjën të duket e freskët dhe ndryshe, transmeton Telegrafi.
Ekzistojnë vetëm dy rregulla: zgjidhni bimë që pëlqejnë lagështinë dhe temperaturat e larta.
Fieri duhet të ujitet mirë disa herë në javë. Nuk do të gaboni nëse ndonjëherë i spërkatni gjethet me pak ujë. Pozicioni ideal për këtë bimë është dritarja e banjës.
Bambuja mbledh lagështi të tepërt. Ajo rritet shpejt, kështu që shkurtojeni atë herë pas here, në mënyrë që të mos përhapet shumë. Ju gjithashtu mund të zgjidhni bambu në një vazo në të cilën duhet të vendosni disa guralecë në pjesën e poshtme. Niveli i ujit duhet të kontrollohet dhe të plotësohet në mënyrë periodike.
Aloe Vera nuk kërkon shumë dritë, as shumë ujë, falë gjetheve të saj me mish, kështu që ndonjëherë mund të "harroni" ta ujitni. Mjafton të ta vendosni në një vend të lagësht.
Orkideja do t'i japë banjës suaj dozën e duhur të elegancës. Përveç lagështisë, ajo gjithashtu pëlqen nxehtësinë, por mos e vendosni në dritë të drejtpërdrejtë.
Bimët për banja pa dritare Sansevieria është një aleate e vërtetë e shëndetit, sepse pastron ajrin nga kimikatet e dëmshme. Është rezistuese ndaj kushteve të ndryshme, kështu që është një zgjedhje e shkëlqyeshme për fillestarët dhe për ata që ndonjëherë harrojnë se bimët kërkojnë kujdes.
Philodendroni rritet me shpejtësi në gjerësi, kështu që bëni kujdes të mos “okupojë” gjithë dhomën.
Këto janë vetëm disa nga bimët që mund t'ju pëlqejnë. Këtu janë edhe bromelia, begonia, zambaku i jeshiltë i njohur si bima merimangë, pilivesa dhe shumë të tjerë.
Tani thjesht zgjidhni nëse bimët e zgjedhura do të jenë në një kavanoz të varur, në dysheme ose ndoshta në një kavanoz dekorativ në lavaman.
/Telegrafi/
