Besimi: Vazhdon debati për tatim ekstra të fitimit

Ministria e Financave, Fatmir Besimi në kuadër të procesit transparent dhe gjithëpërfshirës që zbaton në krijimin e politikave, ka nisur debatin për nismën për vendosjen e taksës mbi fitimin shtesë. Ministri Fatmir Besimi sot në Ministrinë e Financave ka zhvilluar një takim me komunitetin e biznesit. Në takim morën pjesë përfaqësues nga Odat më të mëdha ekonomike, Oda Ekonomike e Maqedonisë RMV-së, Lidhja e Odave Ekonomike, Oda Ekonomike e Maqedonisë Veriperëndimore dhe Shoqata e Bankave të Maqedonisë.

“Iniciativa për vendosjen e tatimit mbi fitimin ka lindur nga debati që Ministria e Financave organizoi për Konceptin e Reformës Tatimore, i cili duhet të nisë nga 1 janari 2023. Nisma ndjek gjithashtu politikat e ndërmarra në nivel të BE-së në periudhën e kaluar, të cilat synojnë të zbusin efektet e drejtpërdrejta ekonomike të rritjes së mprehtë të çmimeve të energjisë në buxhetet publike, konsumatorët fundorë dhe bizneset në shtetet anëtare të Unionit.

Në frymën e transparencës dhe gjithëpërfshirjes, tani po e vendosim sërish në tavolinë këtë iniciativë për ta shqyrtuar me palët e interesuara, se si do të zgjidhnim një model më të pranueshëm për të gjithë”, tha ministri i Financave në takim, duke theksuar se pranimi i një zgjidhjeje të tillë nga komuniteti i biznesit do të jetë një shenjë solidariteti në shoqëri në këtë kohë krize.

Ai shtoi se Ministria e Financave është duke bërë një analizë më të detajuar të efekteve fiskale nga vendosja e një takse të tillë dhe janë duke u analizuar përvojat e vendeve të tjera që kanë vendosur një masë të tillë./Telegrafi/