Bëri shumë pritje në Serie A, dy gjigantët italianë në luftë për shërbimet e Guillermo Ochoas

Portieri i Salernitanas dhe Meksikës, Guillermo Ochoa, mund të mbetet në Serie A edhe sezonin e ardhshëm, pasi Milani dhe Interi janë në luftë për të siguruar shërbimet e tij.

Ochoa mbush 38 vjeç në korrik dhe iu bashkua Salernitanas si lojtar i lirë në janar, pasi bëri përshtypje për vendin e tij në Kupën e Botës 2022 në Katar.

Ai bëri pritje të shumta në gjashtë paraqitjet e tij në Serie A, pavarësisht se pranoi 17 gola, ndërsa tani është në stol që kur Luigi Sepe u kthye nga lëndimi.

Ochoa duket i gatshëm ta kryejë edhe punën e portierit të dytë në klub dhe kjo ka ka tërhequr vëmendjen e dy gjigantëve, Milan dhe Inter.

Kuqezinjtë kanë pasur vështirësi gjatë pesë muajve në të cilët Mike Maignan ka qenë jashtë fushës, me Ciprian Tatarusanu që nuk përmbushi pritshmëritë.

Sa i përket Interit, Samir Handanovic humbi vendin e tij dhe Andre Onana tani është i pari. Slloveni potencialisht mund të tërhiqet në fund të këtij sezoni.

Ochoa ka 135 ndeshje të parë për Meksikën dhe në nivel klubesh ka përfaqësuar Club America, Ajaccio, Malaga, Granada, Standard Liege dhe Salernitana./Telegrafi/