Berbatov: Sancho nuk do të mendohet dy herë për t’iu bashkuar Unitedit

Jadon Sancho vazhdon të mbetet objektivi kryesor i Manchester United për afatin kalimtar të verës.

Pas shkëlqimit me Borussia Dortmundin në dy vitet e fundit, Sancho është duke u kërkuar nga skuadrat më të mëdha evropiane.

Ish-sulmuesi i Manchester United, Dimitar Berbatov thotë se Sancho nuk do të mendohej dy herë për t’iu bashkuar Djajve të Kuq.

“Është folur shumë për transferimin e Sanchos te United dhe mendoj se nëse varet nga vet ai nuk do të mendohej dy herë për transferimin në Old Traford”.

“E kam thënë edhe më parë, ai ka cilësinë, ritmin dhe shënon e asiston shumë dhe mendoj se nëse do të transferohej në Ligën Premier do të luante më shumë edhe në Kombëtare”, deklaroi Berbatov.

Tutje ish-sulmuesi bullgar thotë se edhe nëse do të transferohej tek një skuadër tjetër Sancho, atëherë ai duhet të shkojë tek një ekip ku luan rregullisht.

“Nëse ai shkon në ndonjë klub duhet të shkojë vetëm ku luan rregullisht pasi në këtë mënyrë do të rritej më shumë”.

“Gjithashtu lojtarët anglez kur luajnë jashtë Ligës Premier dëshirojnë në çdo moment të kthehen dhe besoj që Sancho do të rikthehet këtë verë në Angli”, përfundoi Berbatov. /Telegrafi/