Benzema nuk është i interesuar për transferim në Kinë

Sulmuesi francez, Karim Benzema është bërë objektiv i skuadrave kineze, por nuk është i interesuar për një transferim të tillë në këtë moshë.

Benzema është nën nivelin e tij në këtë sezon dhe vera e këtij viti mund ta largojë atë nga Santiago Bernabeu.

Emri i tij, i Gareth Bale, Isco Alarcon dhe Mateo Kovacic janë përmendur si më të mundshmit për largim nga Real Madridi.

Lexo po ashtu Benzema nuk e lejoi Balen ta gjuajë penalltinë e parë, por e la ta merrte të dytën

Interesimi për transferimin e tyre nuk ka munguar dhe lojtarët dëshiron nga skuadrat e pesë ligave të mëdha evropiane, por edhe ajo kineze.

Por, sipas mediumit spanjoll Don Balon, Benzema beson se ai ende ka aftësinë për të luajtur në nivelin më të lartë dhe po refuzon të mendojë lëvizjen në SuperLigën Kineze.

Florentino Perez është gati të largojë sulmuesin francez pas përfundimit të sezonit, kështu që ai mund ta ndjekë pastaj Harry Kanen dhe Robert Lewandowski.

Lexo po ashtu Liverpooli dhe Arsenali nuk janë të gatshëm të shpenzojnë 50 milionë euro për Benzeman

Edhe oferta nga Kina thuhet se është një marrëveshje e mirë në sytë e Presidentit të Realit dhe Perez do ishte gati të heq dorë nga i preferuari i tij, Benzema.

Por, ylli francez është këmbëngulës se ai nuk do të pranojë një lëvizje larg Evropës në këtë pikë të karrierës së tij dhe transferimi i tij në njërën nga kampionatet: Liga Premier, Ligue 1 dhe Serie A është më se i mundshëm. /Telegrafi/