Benjamin Henrichs drejt rikthimit në Bundesliga, katër skuadra të mëdha e duan mbrojtësin gjerman

Benjamin Henrichs do të largohet nga Monaco pas një viti qëndrim.

Mbrojtësi i djathtë gjerman ka pasur një vit mjaftë të mirë me Monacon, por duket se dëshira e tij është të rikthehet në Bundesliga.

22-vjeçari ka zgjuar interesimin e skuadrave të mëdha gjermane që synojnë ta rikthejnë në vendlindje.

Benjamin Henrichs. (Photo by Alessandro Sabattini/Getty Images)

Bayern Munich, Werder Bremen, Schalke 04 dhe RB Leipzig janë skuadrat që kanë shprehur interesim për transferimin e lojtarit.

Monaco është gati ta lë të lirë të largohet ylli i tyre, por kërkon së paku 30 milionë euro.

Kujtojmë që Henrichs iu bashkua klubit nga principata vitin e kaluar nga Bayer Leverkusen. /Telegrafi/