Mbrëmja e djeshme në shtëpinë e “Big Brother VIP Kosova 4” ka sjellë skena të papritura dhe temperatura të larta, por këtë herë protagonistet nuk ishin çiftet e zakonshme të spektaklit. Vëmendja u zhvendos te dy vajza, Benita dhe Bia Khalifa, të cilat krijuan një moment që po bën xhiron e rrjetit.
Gjatë festës së organizuar në shtëpi, ku atmosfera ishte në kulmin e saj dhe muzika po i shtynte të gjithë drejt pistës, dy vajzat u panë tejet të afërta dhe të çliruara në një moment euforie. Papritur, përpara syve të banorëve të tjerë, ato shkëmbyen një puthje të gjatë dhe pasionante në buzë, duke ndezur menjëherë reagime.
Banorët e tjerë që ndodheshin aty nuk e fshehën habinë, ndërsa brohoritjet dhe duartrokitjet shoqëruan skenën e papritur. Pamjet e momentit u përhapën me shpejtësi në rrjetet sociale, ku videoja u bë virale brenda pak minutash.
Në komente, përdoruesit e rrjeteve sociale e kanë cilësuar këtë moment si një thyerje tabush brenda formatit, duke vlerësuar guximin dhe spontanitetin e vajzave. Ndërkohë, të tjerë e shohin puthjen si një skenë që do të ndikojë dinamiken e lojës dhe marrëdhëniet mes banorëve në ditët në vijim.
Me këtë episod, BBVK4 ka dhënë edhe një herë prova se surprizat brenda shtëpisë nuk kanë të ndalur – dhe se një natë feste mund të ndryshojë të gjithë narrativën e ditës së nesërme.
