Tony Bellew ka dalë sërish triumfues përballë David Haye duke e mposhtur me nokaut pas pesë raundesh në O2 Arena të Londrës.Telegrafi jua sjell më poshtë rrjedhën e meçit sipas raundeve:Raundi 1: Haye dhuroi disa goditje, ndërsa Bellew e humbi baraspeshën dhe menjëherë i mbeti një shenjë nën sy. Sidoqoftë, arriti ta përfundonte mirë raundin e parë.
(Foto: Getty Images)
Raundi 2: Bellew filloi të kundërsulmojë, mirëpo Haye u tregua i kujdesshëm dhe priste momentin për ta ndëshkuar, por kundërshtari lëvizte me shpejtësi.
(Foto: Getty Images)
Raundi 3: Ishte momenti i Bellew, i cili e rrëzoi dy herë Hayen.
(Foto: Getty Images)
Raundi 4: 37-vjeçari Haye përpiqej të rikthehej, mirëpo Bellew u shmangej goditjeve të tij dhe jepte goditje direkte. David e humbi baraspeshën që dukej të ishte sërish pasojë e këmbës së lënduar.
(Foto: Getty Images)
Raundi 5: Haye nuk u bëri ballë goditjeve të Bellew. Tony e rrëzoi për të tretën herë dhe gjithçka mori fund.
https://twitter.com/NextUKFight/status/992888183393316864
Pas lëndimeve të shumta, David Haye ishte kthyer në kërkim të majave të boksit botëror, mirëpo duket se ky do të jetë fundi për karrierën e tij.
(Foto: Getty Images)
Me shumë mundësi, 37-vjeçari do të pensionohet pas këtij meçi. /Telegrafi/
