Zëvendës Kryeministri, Behgjet Pacolli, kishte paguar pagur për dy ditë qëndrim në një hotel në Francë plotë 1 mijë e 274 euro me para të shtetit.
Ai kishte qëndruar në Paris të Francës me 28 tetor deri më 30 tetor 2011.
Fatura e hotelit për këto dy ditë qëndrimi në Paris, i kishte kushtuar shtetit 1 mijë e 274 apo 637 euro për një ditë/natë në hotelin “Raphael” në kryeqyetin francez.
Para Parisit ai kishte qëndruar edhe në kryeqytetin e Austrisë, në Vjenë. Aty Pacolli kishte qëndruar për 3 ditë, nga 23 tetori deri më 26 tetor dhe kishte paguar 530 euro apo 176 euro për një ditë/natë në hotel “Hilton”.
Në një letër të gjatë, gjatë ditës së djeshme, Pacolli kishte shkruar se gjatë periudhës kur janë kryer shpenzimet në dosjen SaHanShefi ai nuk kishte shpenzuar para të shtetit.
“Unë nuk kam marrë as rrogë; as mëditje dhe shpenzimet e hoteleve dhe shumicën e madhe të biletave të udhëtimeve zyrtare i kam paguar poashtu nga xhepi; nuk kam pasur makinë zyrtare dhe nuk kam konsumuar as një liter benzinë, për tërë kohën sa isha në qeveri” ka shkruar Pacolli.
Në dosjen prej qindra faturash të siguruar pasi BIRN ka paditur Zyrën e Kryeministrit në gjykatë, do publikohen fatura të shpenzimeve për 20 muaj qeverisje të Hashim Thaçit përfshirë këtu shpenzimet e 5 zëvendëskryeministrave tjerë të asaj kohe: Bujar Bukoshi, Edita Tahiri, Hajredin Kuçi dhe Behgjet Pacolli.
Pjesë e faturave janë edhe shpenzimet e kryera nga këshilltarë e shefa të kabineteve e deri te truprojat e qeveritarëve të lartë.
Hajredin Kuçi shtron drekë me bakllavë, raki dardhe e raki rrushi
Një faturë e ish-Zëvendës Kryeministrit, Hajredin Kuçi, e cila është lëshuar më 29 dhjetor 2010 përmban raki dardhe, raki rrushi, biftek e ramstek.
Kjo drekë zyrtare i ka kushtuar arkës së shtetit 166 euro. Në të janë pirë 7 raki dardhe e rrushi, në vlerë 2 euro, janë ngrënë 8 biftekë e 2 ramstekë në vlerë 81 euro, 10 sallatë në vlerë 25 euro.
Po ashtu është pirë ujë e kafe në vlerë 22 euro e 50 cent, si dhe 7 bakllava 10 euro e 50 cent.
Kjo drekë zyrtare në fund vit është ngrënë në restorant ‘Liburnia’.
Edita Tahiri udhëton me ‘Business Class’, bileta i kushton shtetit 4,480 euro
Ish- Zëvendës Kryeministrja, Edita Tahiri, në mars të vitit 2011 kishte udhëtuar për vizitë zyrtare në Washington.
Ky udhëtim i Edita Tahirit nuk ishte bërë dosido. Bileta e saj e avionit ishte paguar për ‘business class’ me vlerë prej 4 mijë e 480 euro.
Rezervimi i biletës ishte bërë dy ditë para udhëtimit. Ajo kishte udhëtuar me 3 mars 2011, ndërsa rezervimi ishte bërë më 1 mars.
“Si duket e paskeni parë si të lehtë dhe të parrezikshme punën time si kryenegociatore në bisedimet me armikun, të ndërmjetësuara nga BE dhe SHBA, prandaj po i bëni këto pyetje. Vetëm paramendojeni për disa momente çfarë don të thotë të negociosh paqen dhe mbylljen e kapitullit të armiqësive me shtetin fqinj që ka qenë agresor dhe gjenocid-bërës. Ose lexoni për historinë e negociatorëve të paqes për të parë pse u duhet një siguri shtesë për ta çuar misionin e paqes përpara për të krijuar një ardhmëri paqësore fqinjësore për gjeneratën e re”, ka thënë Tahiri.
Ajo kishte qëndruar atje për pak ditë, pasi më 6 mars ajo ishte kthyer në Prishtinë.
Me ‘business class’ kishte udhëtuar edhe ish-kryeministri Hashim Thaçi së bashku me këshilltarin e tij në atë kohë, Bekim Çollakun, që kishin paguar për udhëtimin e tyre 11 mijë e 400 euro.
Promo
Reklamo këtuLufta Prigozhin - Putin
Më shumëNga Rubrika
Pahor: Kandidatura ime do të paraqitet në Bruksel, do të jem ndërmjetës i ndershëm në dialogun Kosovë-Serbi
Deputeti finlandez: Serbia nuk mund t’u imponohet shteteve për të kundërshtuar Kosovën në KiE
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Pahor: Kandidatura ime do të paraqitet në Bruksel, do të jem ndërmjetës i ndershëm në dialogun Kosovë-Serbi
Deputeti finlandez: Serbia nuk mund t'u imponohet shteteve për të kundërshtuar Kosovën në KiE
Policja që u raportua e zhdukur paraqitet në stacionin e Rahovecit
DW: Sinjale alarmi nga Ballkani - po përsëritet historia?
Deputeti gjerman, Abraham: Pranimi i Kosovës në Këshillin e Evropës është e vetmja rrugë përpara
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak