Bëhet viral momenti kur kancelari gjerman kupton se Rama ka fituar mandatin e katërt

Në Tiranë po mbahet Samiti i Liderëve të Evropës, një nga ngjarjet më të rëndësishme politike të vitit për rajonin. Por përveç diskutimeve zyrtare, një moment i veçantë ka tërhequr vëmendjen e qytetarëve dhe mediave.

Një video e shpërndarë në rrjetet sociale tregon kancelarin gjerman Friedrich Merz teksa shfaqet i habitur kur mëson se kryeministri shqiptar Edi Rama ka fituar mandatin e tij të katërt, transmeton Telegrafi.

Rama ia konfirmon kancelarit se ka fituar edhe mandatin e katërt, ndërsa vazhdojnë të flasin të buzëqeshur njëri me tjetrin.

Reagimi i tij  është komentuar në rrjetet sociale. Ndërsa, disa prej qytetarëve kanë përgëzuar Ramën për qëndrueshmërinë në pushtet dhe mbështetjen që ka fituar në zgjedhje, ndërsa disa të tjerë kanë shfrytëzuar rastin për të kritikuar atë.

Lexo po ashtu “Mirë se vini në Shqipëri”, liderët evropianë surprizohen nga videoja e veçantë e krijuar nga intelegjenca artificiale

Ndryshe, edhe kryeministrja e Italisë, Giorgia Meloni, ka deklaruar se fitorja e Edi Ramës dhe Partisë Socialiste në zgjedhjet e 11 majit në Shqipëri për të ishte tërësisht e papritur.

“Dëshiroj të uroj Edin për rizgjedhjen e tij tërësisht të papritur, si kreu i qeverisë së Shqipërisë. Jam e kënaqur që Europa do të mund të mbështetet te këmbëngulja dhe vendosmëria e tij”, tha Meloni në fjalën e saj në Samitin e Komunitetit Politik Europian, duke shkaktuar të qeshura mes të pranishmëve.

Ceremonia e mirëseardhjes në Samit u hap me performanca të ndryshme artistike, që promovonin traditën dhe kulturën kombëtare shqiptare.

Në fund të videos prezantuese, e realizuar me inteligjencë artificiale, u shfaqën 47 liderët evropianë të portretizuar si fëmijë, duke thënë: “Mirë se vini në Shqipëri”. /Telegrafi/

@euronews.al

4 mandate?!! Friedrich Merz habitet me fitoren e Ramës! Kancelari gjerman Friedrich Merz duket se është habitur me fitoren e katërt rresht të Edi Ramës. Euronews është përpjekur të lexojë gjuhën mes tyre dhe qartazi kancelari e pyet kryeministrin Rama nëse ky është mandati i katërt teksa shefi i qeverisë e pohon me kokë.#fyp #fyy #viral #viraltiktok #euronewsalbania #edirama

♬ original sound – euronews_al – euronews_al