Bebe Rexha shënon një tjetër sukses të madh, kënga e saj “Meant to be” arrin një miliard dëgjime në Spotify

Këngëtarja shqiptare me famë botërore, Bebe Rexha, ka shënuar një tjetër arritje në karrierën e saj.

Një nga këngët më të suksesshme të repertoarit të saj, “Meant to be”, ka arritur tashmë shifrën e një miliard dëgjimeve në atë që njihet si platforma më e madhe e muzikës në botë, Spotify.

Lajmin e gëzueshëm, Rexha e ndau me 10.3 milionë ndjekësit e saj në Instagram, duke publikuar një fotografi nga xhirimet e klipit të kësaj kënge, të cilat u kryen në Albuquerque të New Mexico.

“Një miliard dëgjime në Spotify”, shkroi 30-vjeçarja në InstaStory.

“Meant to Be” është një këngë e zhanrit më popullor në Amerikë, ‘cuntry’, e cila erdhi në bashkëpunim me grupin e famshëm amerikan kultivues të këtij zhanri, Florida Georgia Line.

Kjo këngë ishte nominuar për çmimin “Performanca më e mirë dup/grup” në “Grammy Awards 2019”.

Ajo është shpallur nga ‘Billboard’ si “Kënga më e dëgjuar e dekadës në zhanrin country”, për shkak se kaloi mbi 50 javë duke qëndruar në krye të klasifikimit.

Lexo po ashtu Suksesi i jashtëzakonshëm i Bebe Rexhës, kënga "Meant to be" vlerësohet si "Kënga më e mirë e dekadës" në zhanrin country

Bebe Rexha njashtu është artistja parë femër që debutoi ndonjëherë në krye të tabelës së Billboard, dhe shqiptarja e parë ndonjëherë në histori që kryesoi listën e këngëve më të mira në zhanrin country me “Meant to be”. /Telegrafi/