Bebe Rexha me fustan të tejdukshëm, vë në plan të parë format e saja në evenimentin ‘Pre-Grammy’ (Foto/Video)

Bebe Rexha duket se është zotuar për të tërhequr vëmendje sa herë që parakalon në tepihun e kuq.

Këngëtarja shqiptare me famë botërore është kujdesur që të tërheqë interesimin e fotoreporterëve dhe të pranishmëve në gala mbrëmjen ‘Pre-Grammy’ të Clive Davis në qytetin e New Yorkut.

28-vjeçarja nuk i ka lënë shumë imagjinatës me fustanin që kishte zgjedhur të vishte, i cili ishte i gjatë, por edhe i tejdukshëm.

Kantautorja e njohur ka pozuar me shumë yje të njohura, ndërsa nuk ka harruar që t’i vë në pah edhe të pasmet e saj.

Bebe, emri i vërtetë i të cilës është Bleta, e ka publikuar edhe një video në Instagram, ku vë në pah format e saja trupore.

https://www.instagram.com/p/BeeM_IdAhVX

Fustani i saj ishte i gjatë, kurse pjesa e dekoltesë mjaft e hapur. Me një veshje të tillë, tashmë bionde prej kohësh, këngëtarja ishte mjaft tërheqëse.

Ylli botëror i muzikës është gjithmonë e gatshme për sfidat e modës, për këtë arsye imazhet e saja përfundojnë në faqet rozë të mediave kryesore botërore. /Telegrafi/