Bashkimi Demokratik për Integrim ka reaguar ndaj trajtimit institucional të tragjedisë së Koçanit, me ç’rast u privuan nga liria me dhjetëra persona.
Nga BDI thonë se pronari i diskotekës ku ndodhi fatkeqësia u arrestua pa pranga, teksa ish-ministri Kreshnik Bekteshiu arrestua me pranga dhe me prezencë të mediave.
Nga opozitarja BDI këtë veprim e quajnë manipulim, teksa shtojnë se nuk do të heshtin.
Reagimi i plotë:
Kjo është turp. Kjo është spektakël. Kjo është absurditet.
Autori i drejtpërdrejtë i tragjedisë, pronari i klubit që u dogj dhe mori jetën e 59 të rinjve në Koçan, merret nga policia PA pranga, ndërsa një ish-ministër, që nuk ka asnjë lidhje me këtë tragjedi, u shoqërua ME pranga, nën vëmendjen maksimale të mediave, pasi më parë ishin ftuar kamerat.
Ky është një turp institucional.
Ky është manipulim i pastër.
Kjo është përdhosje e drejtësisë.
Ne nuk do të heshtim përballë këtij absurdi!
