BDI: Mickoski edhe pas 5 vitesh nuk del nga hija e Gruevskit, OBRM ka rënë nën 350 mijë votues

I ballafaquar me rënie drastike të rejtingut dhe mosbesim të më shumë se një e treta e votuesve të OBRM-PDUKM ndaj tij si dhe katër herë rejting më të ulët se azilanti Nikolla Gruevski, Hristijan Mickoski përpiqet që me nacionalizëm patetik, të tejkaluar për më shumë se dy dekada, të mbijetojë në skenën politike duke e kopjuar ish-liderin e LSDM-së Zoran Zaev në përpjekjet për të çuar BDI-në në opozitë dhe duke u paraqitur si kuazipatriot.

Të gjithë kryetarët e komunave nga OBRM-PDUKM ndjehen si Danella Arsovska por akoma nuk kanë guximin e Danellës që të sfidojnë bulizimin që ua bën Mickoski.

Të gjithë votuesit e OBRM-PDUKM-së e dijnë që Mickoskin e intereson vetëm biznesi dhe biznes partnerët e tij dhe qe ka lënë në baltë qëllimisht të gjithë ish udhëheqësinë e OBRM-PDUKM-së, gjë që e konfirmoi edhe vet.

Prandaj, Mickoski është nën hijen e Gruevskit edhe pas 5 viteve dhe ka rënë nën 320.000 vota në zgjedhje parlamentare, gjë që reflektohet edhe në rejtingjet e brendshme partiake ku shumica e anëtarëve të OBRM-PDUKM-së e konsiderojnë lider Nikolla Gruevskin e jo Hristijan Mickoskin” – thuhet në kumtesën e BDI-së.