Batuta e Çanit “kemi fjetur bashkë ne?”, bëri që të largohej nga puna – por çfarë thoshte dikur Sofi për shefin e saj

Romina Alku, e cila u punësua afro nëntë vite më parë në emisionin Zonë e Lirë, kur transmetohej në Vizion Plus, asokohe ishte pyetur në lidhje me marrëdhënien e saj me moderatorin Arian Çani.

Siç transmeton lapsi.al, në një intervistë të vitit 2012, biondja atraktive thoshte se kishte konfidencë me eprorin e saj.

“Konfidencën do ta klasifikoja si një ekuacion, por ndryshe nga ekuacionet kur emëruesit janë të panjohur, ekuacioni im i ka emëruesit të njohur: Korrektësi + Miqësi + Komunikim = Konfidencë…”, ishte shprehu Romina në lidhje me punën krah Çanit.

E pyetur se a është prezantuesi i njohur një shef i rreptë në punë, ajo përgjigjej: “Ariani nuk është thjesht një prezantues i paparë, por para së gjithash është një gazetar i mirëfilltë që di të pyesë. Ne jemi një staf i vogël në numër dhe gjithçka funksionon më së miri. Ariani nuk është aspak i rreptë. Do të thosha që është njerëzor dhe korrekt me të gjithë ne”.

Kujtojmë që Sofi nuk është më pjesë e Zonë e Lirë për shkak se Çani e teproi me batutat nëse kishte fjetur ose jo me të.

“Sophie, kemi fjetur bashkë ne? Ë, unë s’mbaj mend”, ishte batuta që duket se nervozoi të fejuarin e Rominës, i cili pati dhe debate me Çanin. Bukuroshja braktisi emisionin duke mbyllur kështu nëntë vite karrierë si asistente në Zonë e Lirë.