Pasi bashkëshorti i dhuroi 100 milionë euro për rindërtimin e katedrales Notre Dame, reagon Selma Hayek

Një zjarr shpërtheu në katedralen historike në Paris. Zjarri shkatërroi grykën e kishës dhe ka djegur një ndër kullat e saj drejtkëndore.

Në një deklaratë, Presidenti francez Emmanuel Macron premtoi të rindërtojë katedralen dhe tha se po kërkon ndihmë ndërkombëtare.

Lexo po ashtu Për ndërtimin e saj janë dashur 100 vite, kurse u shkatërrua për vetëm dy orë - historia e katedrales 850 vite të vjetër Notre Dame (Foto/Video)

Sipas revistës People, biznesmeni miliarder, François Henri Pinault – i cili u martua me aktoren Selma Hayek në vitin 2009 dhe që ka një shtëpi pranë katedrales – iu përgjigj thirrjes me një donacion prej 100 milionë eurove.

Në një deklaratë të marrë nga gazeta franceze, “Le Figaro”, 56-vjeçari pohoi se “Babai im (François Pinault) dhe unë vetë kemi vendosur të japim një donacion në vlerë prej 100 milion eurove nga fondet tona Artemis (kompania mbajtëse e familjes) që do të jetë e nevojshme për rindërtimin e plotë të Notre Dame”.

https://www.youtube.com/watch?v=JAqOFGPu35g

Përmes Kering – një grup global luksoz – Pinault menaxhon zhvillimin e një sërë biznesesh të njohura, duke përfshirë Gucci, Alexander McQueen, Stella McCartney, Saint Laurent dhe Balenciaga.

Sipas Indeksit të miliarderëve të Bloomberg, biznesi familjar i Pinault, i cili kryesohet nga babai i tij, vlen rreth 32.3 miliardë euro.

Lexo po ashtu Pas nëntë orë përballje me zjarrin, shpëton pjesa kryesore e Notre Dame, Macron: Do ta rindërtojmë

Edhe Selma publikoi një imazh të djegies së katedrales duke thënë se “si shumë të tjerë, edhe unë jam tronditur thellë me këtë ngjarje në Paris”. /Telegrafi/

https://www.instagram.com/p/BwSrlzRlghr/