Basha më i votuari në Tiranë nga PD, Berisha drejt një mandati tjetër deputeti

Vazhdon numërimi i votave për kandidatët në të gjithë Shqipërinë.

Në Qarkun e Tiranës, Partia Demokratike ka fituar 15 mandate deputeti.

Sipas të dhënave zyrtare nga KQZ, deri më tani më i votuari del të jetë kryetari Lulzim Basha me 3202 vota i pasuar nga kryetari i forumit Belind Këlliçi me 2861 vota, përcjell Telegrafi.

Pasojnë me vota Agron Shehaj e Grida Duma.

Aleati nga partia e çamëve Shpëtim Idrizi renditet i pesti, derisa në Kuvend do të jetë përsëri edhe lideri historik i PD-së, Sali Berisha i cili momentalisht renditet i 7 me 1293 vota.

Në pozicion të mirë për t’u futur në Kuvend nga lista e PD-së janë edhe Fatmir Mejdiu i republikanëve dhe aleati tjetër Dashamir Shehi.

Lexo po ashtu Përfundon numërimi i votave në Shqipëri – shumica e deputetëve i takojnë Partisë Socialiste

Vlen të theksohet se aktualisht nuk janë në pozicion të mirë për të marrë mandatin e deputetit disa emra të njohur nga PD e Tiranës si Albana Vokshi, Albo Bumçi apo edhe Mesila Doda.

Me rezultatet aktuale Vangjel Dule i cili ka garuar në listën e PD-së është larg synimit për t’u bërë deputetë./Telegrafi/