Bartomeu: Messi që nga dita e parë ishte dakord për ulje të pagës

Presidenti i Barcelonës, Josep Maria Bartomeu e ka bërë të qartë se kapiteni, Lionel Messi nuk e ka kundërshtuar asnjëherë vendimin e bordit për ulje pagash për ekipin e parë, duke shtuar se ka qen dakord që nga dita e parë.

Lojtarët e Barceonës kanë pranuar një ulje page prej 70 për qind, pas pasojave të coronavirusit, ndërsa kjo do të ndihmojë pjesën tjetër të stafit të klubit që të vazhdojë të marr pagën prej 100 për qind.

“Messi më tha që nga dita e parë që duhej të bëhej kjo ulje”.

“Ky propozim erdhi nga kapitenët. Është një gjest që tregon përkushtimin e tyre ndaj klubit”, ka thënë Bartomeu për Sportin dhe Mundo Deportivo.

Përmes një deklarate të lëshuar të hënën, Messi shprehu shqetësimin e tij në lidhje me thashethemet se lojtarët nuk e kanë pëlqyer propozimin e klubit për të ulur pagat e tyre.

“Ndoshta [lojtarët] janë irrituar nga gjërat e thënë nga njerëzit brenda dhe jashtë klubit, të cilët nuk i kanë të gjitha informacionet”.

https://www.instagram.com/p/B-WwreSiaL7/

“Por negociatat u realizuan vetëm nga Oscar Grau dhe unë dhe ne nuk kemi thënë asgjë”, ka deklaruar i pari i klubit. /Telegrafi/