Bare flet për karrierën e tij te Atletico, shoqërinë me yje, lidhjen me vajzën e ndihmësit të Simeones dhe Kombëtaren Shqiptare

Keidi Bare, lojtari ekipit Kombëtar Shpresa, prej më se katër vitesh është pjesë e Atletico Madridit nga akademia dhe nga fillimi i këtij sezonit, është vënë nën urdhrat e skuadrës së parë të drejtuar nga Simeone. Megjithatë, për të qenë pjesë e lojës atij i duhet të fitojë duelin me lojtarë si Koke apo Gabi.

“Normal është shumë e vështirë, por në futboll asgjë nuk është e pamundur. Bëhet fjalë për lojtar të formuar dhe është shumë e vështirë, por siç e thashë, asgjë nuk është e pamundur”, thotë Keidi Bare.

Lexo po ashtu "Keidi Bare është xhoker i Simeones"

Megjithatë, si më i vogli i ekipit, Bare mbahet afër nga të gjithë, ku spikasim emra të mëdhenj të futbollit botëror si Fernando Torres, përcjell TCH.

“Portieri Moja, Saul, me Torres. Gabi është një lider në dhomat e zhveshjes ashtu si edhe në lojë. Ai më këshillon dhe më flet gjithmonë. Më jep detyra kur i thonë dhe kaq”, tha Bare.

Ndërkohë, që prej disa kohësh media spanjolle e përmendin veç aftësive të tij sportive, edhe për marrëdhënien me vajzën e zëvendësit të Simeones, German Burgos. Por, për Baren kjo gjë nuk ka ndikuar aspak në karrierën e tij sportive.

Lexo po ashtu Keidi Bare dashurohet në vajzën e një prej trajnerëve të Atletico Madridit (Foto)

“Unë tek Atletico kam vajtur me forcat e mia. Mund të funksionojë këtu në Shqipëri që po të lidhesh me vajzën e trajnerit të luash në formacion, por në Spanjë dhe kudo jashtë nuk funksionon kështu, edhe pse shqiptarët kanë një mentalitet të keq”.

“Për mua nuk do të thotë asgjë sepse unë e njoh shumë mirë veten time dhe punën e sakrificën që kam bërë për të arritur tek Atletico”, u shpreh Bare.

Edhe pse i fokusuar te Kombëtarja U21, Bare nuk e fsheh dëshirën dhe gatishmërinë për të qenë pjesë e Kombëtares A.

Lexo po ashtu Keidi Bare: Po pres ftesën nga Panucci

“Unë jam tani i fokusuar tek Kombëtarja U21 dhe siç thashë më mirë vonë se sa kurrë. Unë jam i gatshëm të luaj si këtu ashtu edhe tek Kombëtarja A”, thotë futbollisti i Atletico Madridit.

Dhe kur e pyet nëse trajneri Panucci e ka komunikuar ndonjëherë për ta parë si alternativë, Bare përgjigjet: “Jo asgjë, asnjë komunikim”, shprehet Keidi.