Barcelona vuan, por merr tre pikë ndaj Alavesit

Barcelona ka fituar 1-0 ndaj Alavesit në kuadër të javës së 22-të në La Liga.

Pjesa e parë la shumë për të dëshiruar nga të dyja skuadrat, pasi nuk arritën të krijoni një rast të vetëm serioz për gol.

Në 45 minutat e dytë, dy skuadrat u angazhuan më shumë dhe tentuan që të tundin rrjetën e njëra-tjetrës.

HALFTIME

0️⃣ Alavés
0️⃣ Barça#AlavésBarça pic.twitter.com/BGXlIbqIIO

— FC Barcelona (@FCBarcelona) January 23, 2022

Rastin e parë serioz për gol e krijoi Barcelona, ku në minutën e 63-të, Gerard Pique nuk ia doli të mposhte portierin Fernando Pacheco që bëri një pritje fantastike.

Më pas, Alaves rrezikoi me anë të Tomas Pina (74’), me gjuajtjen e tij që u bllokua prej mbrojtës katalunase.

78'⏱️| 0-0

😱 ¡UUUUYYYYYY! Gran centro de @JasonRemeseiro y el cabezazo de @JoseluMato9 se marcha fuera por poco.#AlavésBarça #GoazenGlorioso 🦊

— Deportivo Alavés (@Alaves) January 23, 2022

Vendasit nuk ndaluan më kaq dhe pas vetëm katër minutash, Joselu lëshoi një mundësi të artë shënimi, pasi goditja e tij me kokë nuk ishte e saktë.

Por, Blaugranasit nu u dorëzuan deri në minutat e fundit dhe ia dolën të shënonin golin e fitores përmes Frenkie De Jong që shënoi në minutën e 87-të, me Ferran Torres që ishte asistuesi.

Pas javës së 22-të, Barcelona gjendet në vendin e pestë me 35 pikë, ndërsa në xhiron e 23-të do të ketë punë me Atletico Madridin. /Telegrafi/