Banesa është përfshirë nga flakët, kazaku i dëshpëruar hedh fëmijën nga dritarja dhe më pas hidhet vetë

Pamjet rrëqethëse janë regjistruar në Kazakistan, duke treguar një zjarr në një ndërtesë shumëkatëshe në qytetin e Almaty. Mediat lokale raportojnë se mbi 300 persona janë evakuuar nga pallati, pasi ekzistonte rreziku i përhapjes së elementeve.

Mesa duket disa banorë kanë mbetur të bllokuar, siç dëshmohet nga skena e një prindi që po hidhte një fëmijë nga kati i pestë, ndërsa njerëzit në tokë po shpalosin çarçafët.

Në skenën tjetër, djali i vogël bie nga një lartësi prej rreth 20 metrash dhe njerëzit e kapin. Drama nuk mbaroi, sepse prindi në panik u hodh menjëherë pas. Për fat, dikush kishte sjellë një dyshek për të zbutur rënien, pasi çarçafët vështirë se mund të mbanin peshën e një të rrituri.

#Kazakhstan fire engulfed upper floors of a building.
Neighbors pulling out mattresses to catch a family as a woman first throws out her children then jumps herself to safety#RealHeroes pic.twitter.com/TZq3hVHqsV

— Arthur Morgan (@ArthurM40330824) August 1, 2023

Mbetet e paqartë pse banorët nuk janë larguar nga ndërtesa duke përdorur arratisjet dhe ekziston mundësia që ata të jenë bllokuar. Në video shfaqen disa prej tyre duke qëndruar pranë dritareve për të shmangur mbytjen nga tymi.

Mediat lokale raportojnë se nuk ka viktima dhe se 31 persona, mes tyre 16 fëmijë, janë trajtuar në spital.

Zjarri është lokalizuar pas disa kohësh dhe në aksion kanë marrë pjesë 50 zjarrfikës, të cilët kanë sjellë një shkallë të madhe dhe kanë nxjerrë personat e bllokuar. /Telegrafi/