Policia e Kosovës ka njoftuar sot për një rast ngacmim seksual që ka ndodhur në komunën e Podujevës.

Reklama

Sipas raportit të policisë thuhet se viktimë ishte një femër, ndërkaq i dyshuari është arrestuar.

Telegrafi ka mësuar nga burime se viktima është e mitur dhe se njëjta dyshohet të jetë ngacmuar seksualisht nga babai i saj.

Se viktima është e mitur e kanë konfirmuar edhe nga ana e Prokurorisë Themelore në Prishtinë, duke shtuar se me rastin po merret Departamenti për të Mitur.

Më tej Prokuroria ka bërë të ditur se ka paraqitur kërkesën për caktimin e masës së paraburgimit ndaj të dyshuarit.

Reklama

“Mund t’iu njoftojmë se fillimisht me urdhër të Prokurorit të Shtetit, është dërguar në mbajtje një person i dyshuar, për shkak të veprave penale “Ngacmimi seksual” dhe “Keqtrajtimi apo braktisja e fëmijës”, si dhe gjatë ditës së sotme është paraqitur kërkesë për caktimin e masës së paraburgimit ndaj të njëjtit në gjykatën kompetente”, ka thënë për Telegrafin, zëdhënësja e Prokurorisë Themelore në Prishtinë, Laureta Ulaj.

Reklama

Ulaj nuk ka dhënë detaje të tjera meqenëse ky rast është duke u trajtuar nga Departamenti për të Mitur. /Telegrafi/