Albert Veliu, i njohur si “dëshmitari X” në audiopërgjimin e Agron Xhafaj, për çështjet e drogës, prej disa ditësh ka aplikuar për azil politik në Kosovë. Veliu ka shprehur frikë për jetën e tij në Shqipëri, ndaj shpreson se në Kosovë do të jetë më i sigurtë.
Por për këtë çështje ka reaguar edhe MPB e Kosovës. Indeksonline ka kontaktuar Ministrinë e Punëve të Brendshme për të pyetur nëse i është aprovuar kërkesa për azil, mirëpo ky dikaster nuk ka dhënë përgjigje konkrete në pyetjet e dërguara.
Sipas një përgjigje të përgjithësuar, MPB ka lënë të kuptohet se kërkesa e Veliut mund të marr kohë deri në gjashtë muaj.
“Në pajtim me legjislacionin në fuqi përkatësisht neni 49 i Ligjit për Azil procedura e azilit nuk është e hapur për publikun. Në parim procedura e azilit zgjat 6 muaj dhe të drejt për të kërkuar azil kanë secili shtetas i huaj apo person pa shtetësi. Pas paraqitjes së kërkesës për azil shtetasi i huaj apo personi pa shtetësi do të intervistohet në një kohë të arsyeshme me qëllim të përcaktimit të statusit të mbrojtjes”, thuhet në përgjigjen e MPB-së.
“Refugjatë” janë personat të cilët, në vendin e tyre të origjinës ose të vendbanimit të fundit, janë ekspozuar përndjekjeve serioze, ose kanë arsye të kenë frikë nga përndjekja për shkak të racës, të besimit fetar, të shtetësisë, të përkatësisë në një grup social të veçantë ose të bindjeve të tyre politike.
Faktori përcaktues për dhënien e statusit të refugjatit, sipas Ligjit për Azil (Ligji Nr. 04/L-217),) është përmbushja e kritereve për përcaktimin e statusit të refugjatit, sipas të cilave frika e bazuar nga përndjekja është një nga elementet kryesore.
“Që nga viti 2017 gjithsej kanë kërkuar azil 235 persona shumica e të cilëve vijnë nga Afganistani, Siria, Libia, Turqia etj., dhe prej tyre 6 persona kanë përfituar statusin e refugjatit dhe dy persona kanë përfituar statusin e mbrojtjes plotësuese. (shumica e azilkërkueseve janë larguar drejt shteteve të BE-se sepse Kosova ende nuk duket të jetë vend destinacioni (situatë e ngjashme në Ballkanin Perëndimorë) për të huajt”, thuhet me tej në përgjigjen e përgjithësuar në MPB-së.
Ndryshe “Dëshmitari X” është personi i cili në audiopërgjimin e publikuar nga Partia Demokratike e Shqipërisë flet me Agron Xhafën për pazare droge.
Albert Veliu është arrestuar në fundjavë bashkë me te birin e tij Ledion derisa po qëndronin të strehuar diku në rajonin e Shtimes.
Burimet e Indeksonline brenda Policisë së Kosovës dje kishin thënë se në kuadër të disa veprimeve policore dhe hetimore kanë mësuar se autoritetet shqiptare kanë në ndjekje një procedim penal në ngarkim të shtetasit Albert Veliu, për veprën penale të “Trafikimit të lëndëve narkotike”, procedim penal i regjistruar edhe në Prokurorinë e Krimeve të Rënda në Tiranë.
“Nga kryerja në vazhdimësi e këtyre veprimeve rezulton që shtetasi Albert Veliu ka kaluar kufirin shqiptar në mënyrë ilegale dhe ndodhet në Kosovë. Ky shtetas ka dalë ilegalisht për në Kosovë pasi nuk ka kaluar nga pikat e kalimit kufitar sepse ka pasur njoftim zyrtar që të mos largohej nga Shqipëria”, kanë thënë burimet e Indeksonline.
Sipas hetimeve policore, Alberti bashkë me të birin Ledio Veliu ishin munduar të kalojnë për në Belgjikë me dokumente të falsifikuara nëpërmjet Aeroportit të Prishtinës apo kufirit tokësor kosovar për në një vend tjetër fqinj të Kosovës.
Po ashtu, burimet e Indeksonline të afërta me rastin kanë thënë se shtetasi Albert Veliu nuk mund të hyj në Bashkimin Evropian pasi ka ndalesë.
Ndryshe Alberti, 51-vjeç, i njohur edhe si “dëshmitari X”, në rrëfimin e tij të publikuar nga Partia e Lulzim Bashës (PD), kishte thënë se ka qenë në Itali, ku kishte punuar tërë jetën në det, ’93-’99, ndërsa në vitin 2000 thotë se ishte në Itali me grupin e Agron Xhafaj, deri në 2002 ku ka shitur kokainë.
Ai vijon të thotë se në 2005 i ndodhi aksident në punë dhe kreu një dënim prej 7 vjetësh, ku u kap me kokainë, 12 kg.
“U kapa në Pescara, bëra dënimin. Kurse nga Agroni ishte mbetje qejfi. Gjatë kësaj kohe që punonim bashkë, nuk më solli një copë letër si shok. Kur dola nga burgu vij në Shqipëri, e takoj, më ofroi gjoja një nder për punë për djalin, kamarier. Djali është 22 vjeç”, thotë ai. /Telegrafi/
Lufta Prigozhin - Putin
Më shumëÇka tha diplomati slloven Zhbogar në OKB që u irritua Vuçiqi?
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Kontrabandë me cigare në Viti, sekuestrohen 500 kg duhan me vlerë mbi 6 mijë euro
Kurti në Gjermani: Kosova e vendosur për anëtarësim në NATO dhe BE
Kuvendi miratoi Projektligjin për zyrtarët publikë
Rezultatet e para përfundimtare në Tetovë, këto janë rezultatet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën