Pasi Prokuroria Themelore në Prishtinë sot ka autorizuar Policinë e Kosovës të iniciojë rastin në drejtim të veprës penale “Zbulimi i fshehtësisë zyrtare”, si dhe pas marrjes në intervistim të drejtorit të portalit Insajderi, Parim Olluri, ka reaguar edhe avokati i këtij portali, Arianit Koci.
Koci përmes një statusi në rrjetin e tij social në Facebook ka shkruar se është gabim që ministri i Shëndetësisë Arben Vitia merret me mediat pas hulumtimit për vaksinat nga portali Insajderi.
Sipas tij, nëse ministri Vitia mendon se ka elemente të shpifjes, ka mundur që ta ngrit padinë për shpifje.
“Kontrata me Pfizer-in. Faktet notore: Kemi nevojë të madhe për vaksina – tash dhe menjëherë; Pfizer-i i shet vaksinat vetëm me kushtet që i përcakton vet – duke e përfshirë konfidencialitetin e kontratës; Pfizer-i ka ku i shet vaksinat – madje edhe me çmim më të mirë, nëse nuk i blejmë ne; Puna e ministrit Vitia është ti sigurojë vaksinat, dhe ta ruaj konfidencialitetin e kontratës – me çdo kusht; Puna e mediave ështe që aty ku mundet, dhe ku e vlerëson sipas parimeve dhe etikës profesionale të gazetarisë, të mbledhë informatat dhe të shkruaj për çështjet që janë me interes publik. Gabimi i vetëm i ministrit Vitia është që merret me media. Kjo është e papranueshme. Nëse mendon sa ka elemente të shpifjes, i njejti ka mundur që ta ngris padinë për shpifje. Por këtë nuk ia rekomandoj. Si njëri prej avokatëve të Insajderit – ‘e çmontoj’ në gjykatë…”, ka shkruar avokati Koci në Facebook.
Ndryshe, pas publikimit të djeshëm në media të një informate sipas të cilës ministri i Shëndetësisë, Arben Vitia ka neglizhuar nënshkrimin e kontratës me kompaninë amerikane për furnizim me vaksina anti-COVID, Pfizer dhe BioNetch, Prokuroria Themelore në Prishtinë ka autorizuar Policinë të iniciojë rast në drejtim të veprës penale “Zbulimi i fshehtësisë zyrtare”.
Ndërkaq, sot përmes rrjetit social në Facebook drejtori i Insajderit, Parim Olluri bëri të ditur se Krimet e Rënda të Policisë së Kosovës kanë “zbarkuar”, në zyret e portalit të tij për të intervistuar.
Por i njëjti pas intervistimit nga policia, ka thënë se “presioni publik detyroi pushtetin që të tërhiqet për momentin nga aksioni i sotshëm për frikësimin e Insajderit”.
Përmes një postimi në Facebook, Olluri, ka kritikuar veprimin e prokurorisë e policisë në zyret e këtij mediumi, ndërsa ka shtuar se gazetari Visar Duriqi që është rrahur brutalisht, nuk është njoftuar për arrestimin e sulmueseve.
Mirëpo, reagime të shumta ka pasur edhe nga opozita me inicimin e këtij rasti, ku nga Partia Demokratike e Kosovës kanë ftuar Prokurorinë e Shtetit në çdo nivel që mos të bëhen instrument i dhunës dhe frikësimit me urdhrat politik të Albin Kurtit, por siç tha ai ta bëjnë punën e tyre të pavarur larg çdo ndikimi.
Edhe nga Lidhja Demokratike e Kosovës (LDK) kanë thënë se Prokuroria e Shtetit do të duhej të hetonte ministrin për mos furnizim të vendit me vaksina.
Ndërsa reagim ka pasur edhe nga shefi i Grupit Parlamentar të AAK-së, Besnik Tahiri, i cili përmes një postimi në Facebook, ka thënë se ata që dje me hov e nisën me shtetin ligjor, sot po duan ta konfiskojnë transparencën.
Për këtë ka reaguar edhe juristja e të drejtës së mediave, Flutura Kusari e cila ka thënë se intervistimi i gazetarëve të Insajderit nga policia është shkelje flagrante e Ligjit për Mbrojtjen e Burimeve të Gazetarëve dhe të drejtës së lirisë së mediave. /Telegrafi/
Promo
Reklamo këtuLufta Prigozhin - Putin
Më shumë“Mos më pengo”, “ti duhesh me ma dhënë fjalën”, “a jam tu fol unë, mbylle”, replika të ashpra ndërmjet Berishës dhe deputetes Selimi
Kujdesi ndaj dhëmbëve dhe rëndësia e një shëndeti të mirë oral, stomatologu Hoxha tregon për teknikat e fundit në stomatologji dhe implantet dentare
Anëtarësimi në Këshill të Evropës, Rohde: Kosova të merr vendime të guximshme, agjenda për takimin e Komitetit të Ministrave mund të ndryshojë
Jetonte në Dubai, si u vra armiku i Ervis Martinaj sa takoi të dashurën në Greqi
Fitoi gjyqin në Strasburg, rikthehet në detyrë prokurorja shqiptare e shkarkuar nga vetingu
Konkursi për gradimin e policëve – “Të fortët” e Policisë e shpërndajnë testin e grupit A para kohe
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Dy ushtarakë e poshtërojnë Vladimir Putinin - nuk pranojnë ta përshëndesin presidentin rus
Mësohet arsyeja pse nuk ndërhyri VAR-i te goli i anuluar i Bayern Munichut ndaj Real Madridit
Besa dështon ta kualifikojë Shqipërinë në finalen e "Eurovision 2024"
Granit Xhaka, lojtar i ndeshjes Bayer Leverkusen 2-2 Roma: Statistikat e tij janë fantastike
Lista e 50 klubeve më të vlefshme të futbollit: Man Utd lë pas Real Madridin, ngjiten klubet e MLS
Teuta Selimi injoron tërësisht raportimet në media për dhunën nga burri dhe vëllai - paralajmëron koncertin e radhës në Zvicër