Atmaxha e Prizrenit, përfiton dy trafo të reja

Banorët e fshatit Atmaxhë të Prizrenit, kanë përfituar rrjet të ri energjetik. KEDS ka investuar në këtë fshat dy trafo të reja, si dhe ka bërë ndërrimin e 124 shtyllave.

Naim Arapi menaxher për projekte të KEDS, tregon se në këtë fshat bashkë me trafot dhe shtyllat, janë ndërruar edhe kabllot e reja. Sipas tij, pas këtyre investimeve në këtë fshat është përmirwsuar infrastruktura e furnizimit të energjisë elektrike.

“Infrastruktura me furnizim të energjisë elektrike në këtë fshat ka qenë shumë e dobët. Pas këtyre investimeve besojmë se një pjesë e këtij fshati ka përfituar shumë”, shprehet Arapi.

Ai tregon se dy trafo që kanë furnizuar me rrymë një pjesë të konsumatorëve të këtij fshati, kanë qenë shumë të vjetra.

“Tash i kemi vendosur dy trafo të reja; njëra është 1000 kvA(kilovolit Amper), ndërsa tjetra 250 kvA(kilovolit Amper)”.

Arif Gashi, banor i fshatit Atmaxhë, tregon se pas vendosjes së trafove dhe kabllove të reja, kapaciteti i energjisë elektrike është rritur dukshëm.
“Rrymën e kemi më të fort, prej kohës kur janë vendosur trafo tw reja”, shprehet ai.

Sipas tij, KEDS, me këtë investim ka zgjidhur problemin e një pjese të fshatit me energji elektrike.

“Shpresojmë qw edhe shtyllat e drurit do t’i ndwrrojnw sw shpejti”, tha ai.

Ndërkaq, Naim Arapi, menaxher për projekte në KEDS tha se shtyllat e vjetra do të hiqen.

“Ato shtylla nuk paraqesin rrezik për banorët e fshatit, sepse nuk janë të ngarkuara me kabllo elektrike, por edhe ato do të hiqen”, tha Arapi. /Telegrafi/