Atletico Madridi fiton në frymën e fundit nga Betisi

Atletico Madridi ka triumfuar 1-0 ndaj Real Betisit në duelin që u luajt në kuadër të javës së 27-të në La Liga.

Pjesa e parë nuk solli asnjë rast serioz nga dy ekipet, edhe pse zhvilluan një lojë të hapur.

Ishte një dominim i lehtë nga ana e lojtarëve të Diego Simeones, por kjo nuk u ndihmoi në zhbllokimin e rezultatit në 45 minutat e parë.

¡Casi marca Josema! ✈️🇺🇾

¡Vamos, Atleeeeeti! 👊🏼🔴⚪

• #AúpaAtleti • #AtletiRealBetis • #LaLigaHighlights • pic.twitter.com/iXmgpISGLa

— Atlético de Madrid (@Atleti) April 2, 2023

Rasti i parë serioz në ndeshje erdhi në minutën e 50-të, kur Jose Gimenez gjuajti me kokë, por goditja e tij shkoi goditi traversën dhe shkoi mbi portë.

Yannick Carrasco (61’) lëshoi një goditje të fuqishme, por në vend ishte portieri Rui Silva, që bëri një pritje të mirë.

Koke mendoi që kishte shënuar gol në minutën e 72-të, por gjyqtari e ngriti flamurin për pozicion jashtë loje.

Shpëtimtari i Los Cholchonerios doli të ishte Angel Correa që shënoi për 1-0 në minutën e 86-të, me një asistim të Rodrigo de Paul.

Pas javës së 27-të, Atletico Madridi gjendet në vendin e tretë me 54 pikë, ndërsa në xhiron e 28-të do të kenë punë me Ray Vallecanon. /Telegrafi/