Një zëdhënës i qeverisë izraelite thotë se ushtarët turq nuk do të vendosen në Gaza, si pjesë e një force shumëkombëshe që synon të marrë përsipër kontrollin nga IDF.
"Nuk do të ketë trupa turke në terren", u tha zëdhënësi Shosh Bedrosian gazetarëve në përgjigje të një pyetjeje, transmeton Telegrafi.
Plani i presidentit të SHBA-së, Donald Trump, për t'i dhënë fund luftës dyvjeçare kërkon një forcë të përkohshme ndërkombëtare të stabilizimit që të marrë gradualisht përsipër sigurinë e Gazës.
Forca ende nuk është krijuar dhe shumë vende po kërkojnë që ajo të ketë një mandat nga Këshilli i Sigurimit i OKB-së.
I pyetur në lidhje me kundërshtimet e Izraelit ndaj forcave turke në Gaza, ambasadori i SHBA-së në Turqi, Tom Barrack tha në një konferencë sigurie në Manama më parë këtë muaj se Turqia do të merrte pjesë.
Zëvendëspresidenti i SHBA-së, JD Vance muajin e kaluar tha se do të kishte një "rol konstruktiv për Ankaranë, por se Uashingtoni nuk do ta detyronte Izraelin të luante asgjë kur bëhet fjalë për trupat e huaja "në tokën e tyre". /Telegrafi/
