LAJMI I FUNDIT:

Asgjë nga premtimi për hapjen e objektit të ri shkollor në Vizbeg

Asgjë nga premtimi për hapjen e objektit të ri shkollor në Vizbeg

Pavarësisht që u paralajmërua për në Tetor, hapja e objektit të ri shkollor në Vizbeg akoma nuk dihet se kur do të bëhet. Kontrolli teknik i kryer në fund të muajit shtator rezulton me disa mangësi. Siç tha kreu i Butelit, Darko Kostovski objekti shkollor ende nuk është lidhur në rrjetin përkatës elektrik dhe atë të ujësjellësit.,shkruan Alsat.

Kostovski shtoi se këto lidhje janë të patjetërsueshme për të testuar funksionimin e ashensorit, sistemit të ngrohjes, kondicionerët, ndriçimin e tërësishëm dhe pajisjet që kanë të bëjnë me ujësjellësin. Për shkak të këtyre lëshimeve, Kostovski tha se nuk ka dhënë dritë jeshile për lëshimin në përdorim të objektit.

“Para se të numëroj disa argumente , do të doja publikisht t’i pyes ministri, kryeministrin dhe gjithë qeverinë nëse na nevojitet rast i ri si i spitalit modular në Tetovë? Tani parashihet që shkolla të fillojë me punë me atë energji elektrike që ka shërbyer për aktivitete ndërtimore sepse MASH ka bërë lëshim të madh dhe nuk ka paraparë në projekt trafo të posaçme elektrike për energji elektrike që është përkatëse sipas procedurave dhe rregulloret për atë shkollë. Dhe tani improvizohet në një vend ku do të duhet të mësojnë fëmijë. Unë diçka të tillë nuk do të lejoj me asnjë çmim, sigurisht se do ti mbroj më të rinjtë në territorin e komunës Butel”, tha Darko Kostovski, kryetar i Komunës Butel.


Ministri i Arsimit, Jeton Shaqiri ditë më parë tha se janë kryer të gjitha përgatitjet për lëshimin në përdorim të shkollës së re në Vizbeg. Ai apeloi komunën e Butelit të përshpejtoj procedurat për emërimin e drejtorit dhe përzgjedhjen e stafit.

“Unë jam dakord që furnizimi me rrymë është i mjaftueshëm për ato pesë klasë, nuk bëhet lëshimi i gjithë objektit se shkolla ka edhe ashensor. Duhet mirëkuptim nga ana e komunës për të mos bërë poena politik në emërimin e caktimit të drejtorit të kësaj shkolle. Të caktoj Këshillin e prindërve, të emëroj dhe të filloj drejtori të bëj kërkesat për mësimdhënësit dhe për stafin. Nuk do të jetë shumë e stërgjatur, secilën ditë, në secilën paraqitje timen publike do të bëj thirrje që sa më shpejt të realizoj obligimin që e ka me Ligjin për vetëqeverisje lokale”, thotë Jeton Shaqir, Ministër i Arsimit.

Sipas Shaqirit, fillimisht mësimin në objektin e ri shkollor në Vizbeg do të ndjekin nxënësit nga klasa e parë e deri në atë të pestë, ndërkohë për nxënësit deri në klasë të nëntë u mbetet prindërve të vendosin. Pas shumë vitesh kërkesë, objekti i shkollës fillore në Vizbeg nisi të ndërtohet në janar të vitit 2022, me afat ndërtimi prej 18 muajsh. Sipas projektit, në këtë shkollë pritet të mësojnë 500 nxënës në 17 paralele. Për shkak të mungesës së shkollës fillore në Vizbeg, qindra nxënës të kësaj lagjeje janë të detyruar të mësojnë në shkolla të ndryshme të tre komunave të Shkupit, Butel, Çair dhe Shuto Orizarë. Për të mbërritur në shkolla, nxënësit bëjnë rrugë në këmbë mbi 3 kilometra. /Alsat.mk

Në trend Lajme

Më shumë
Këshilla se si të mbroheni gjatë shkarkimeve të rrufesë

Këshilla se si të mbroheni gjatë shkarkimeve të rrufesë

Lajme
Ambasadori britanik shkon në veri: Dëgjova shqetësimet dhe shpresat e komunitetit serb

Ambasadori britanik shkon në veri: Dëgjova shqetësimet dhe shpresat e komunitetit serb

Lajme
Kryebashkiaku i Vlorës: Plazhet janë plot, po lansohen reklama negative

Kryebashkiaku i Vlorës: Plazhet janë plot, po lansohen reklama negative

Lajme
Kush është “Klea”, vazja që mashtronte me bursat duke thënë se është mbesa e kryeministrit Edi Rama

Kush është “Klea”, vazja që mashtronte me bursat duke thënë se është mbesa e kryeministrit Edi Rama

Lajme

"Stenta 3”, dëshmitarja thotë se ka dyshime që bashkëshorti i saj ka ndërruar jetë për shkak se nuk iu vendosën stentat

Drejtësi
Artikulli i “Slobodna Bosna”, që u publikua nga RTK, Bordi: Do të ketë masa rigoroze konform ligjit

Artikulli i “Slobodna Bosna”, që u publikua nga RTK, Bordi: Do të ketë masa rigoroze konform ligjit

Lajme
Kalo në kategori