Arti i negocimit: Si ta fitoni çdo diskutim, sipas FBI-së (Video)

Miqtë të cilët flasin me njëri-tjetrin, pa vetëdijen e tyre do t’i thonë fjalët e njëri-tjetrit, do ta imitojnë gjuhën e trupit dhe entuziazmin. Kjo teknikë e ‘pasqyrimit’ është sjellje imituese e cila fillon qysh në adoleshencë dhe mund të përdoret për të ndikuar edhe te të tjerët.

Nëse qëllimi juaj është të shënoni avantazh në një diskutim, atëherë kjo teknikë mund t’ju ndihmojë tej mase, transmeton Telegrafi.

Chriss Voss, ish ndërmjetës i FBI-së, është ekspert i kësaj teknike. Ai beson se toni i zërit të një personi menjëherë ndikon në disponimin e një personi tjetër dhe në atë se si truri i tyre funksionon. Sipas Voss, truri jonë funksionon mbi 31 për qind më mirë kur ne jemi në disponim të mirë. P.sh., nëse një person na sheh duke buzëqeshur apo e zbulon se jemi duke buzëqeshur duke e dëgjuar zërin tonë, ne jemi të aftë të “arrijmë” në trurin e tyre, dhe ta aktivizojmë ndërprerësin pozitiv, i cili ua përmirëson atyre disponimin.

Ky efekt ndodh për shkak të neuroneve pasqyruese në tru, mbi të cilat nuk kemi kontroll. Nëse qëllimisht ia përmirësojmë dikujt disponimin, truri i tyre do të funksionojë në mënyrë më efektive dhe kjo gjë fillon të ndikojë menjëherë në përmirësimin e mundësive që ata të pajtohen me atë që ne themi.

Toni i zërit tonë mund të ndikojë se sa lehtë mund të negociojmë me një person.

Por, duhet mbajtur mend se, për ta futur një person në gjendje bashkëpunuese, ne duhet ta ndryshojmë tonin e zërit. Qëllimi është ta bëni bashkëbiseduesin të mos ndjehet i sulmuar.

Negocimi është një formë e artit dhe mund të mësohet shumë lehtë duke i ndjekur këshillat e Voss. /Telegrafi/