Arteta bind Xhakën të qëndrojë deri në verë, Arsenali synon një mbrojtës në janar

Arsenali thuhet se tani do të përqendrohet në përforcimet mbrojtëse këtë muaj, me trajnerin Mikel Arteta që ka bindur Granit Xhakën të qëndrojë deri të paktën gjatë verës.

Mesfushori shqiptar dukej i sigurt se do të largohej nga Emiratet pas ekseseve së tij publike me tifozët e Arsenalit në fund të vitit të kaluar.

Hertha Berlin ishte vendosur të shfrytëzojë situatën dhe të joshë reprezentuesin zviceran të kthehet përsëri në Bundesliga.

Lexo po ashtu Dhjetë momentet më kontroverse të dekadës në Ligën Premier – Nga rrëshqitja e Gerrardit, deri tek përplasja e Xhakës me tifozë dhe kafshimi i Suarezit

Trajneri Jurgen Klinsmann e kishte bërë nënshkrimin e Xhakës prioritet, përpara se Arteta të merrte drejtimin e londinezëve.

Drejtuesit e Topçinjve kishin planifikuar të zëvendësonin Xhakën këtë muaj, por Goal tani raporton se pas pajtimit të Xhakës, plus dëmtimin të rëndë nga Calum Chambers, vëmendja e tyre është kthyer në rekrutimin e një mbrojtësi.

Jerome Boateng mendohet të jetë objektivi kryesor i Arsenalit këtë muaj, me Bayernin që duket i gatshëm të lejoj gjermanin të largohet për pesë milionë.

Lexo po ashtu Emery: Arsenali nuk duhet ta largojë Xhakën, është lider i skuadrës

Merih Demiral, Nathan Ake dhe Daniele Rugani të gjithë janë lidhur gjithashtu me një transferim në Londrën e Veriut.

Por, buxheti i Artetas është i kufizuar dhe gjermani Boateng përfaqëson mundësinë më të lirë për ta transferuar. /Telegrafi/