Arsenal ka shënuar fitore edhe në një ndeshje miqësore.
“Gunners” kanë triumfuar kundër skuadrës australiane WS Wanderers me rezultat 3-1.
Se forcat nuk ishin të barabarta tregoi 45 minutshi i parë, kur londinezët realizuan tre gola, transmeton Telegrafi.
Shikuesve i është dashur të presin 33 minuta për të parë golin e parë të Olivier Giroud. Tre minua më vonë realizoi Aaron Ramsey ndërsa një minutë para përfundimit të pjesës së parë shënoi edhe Mohamed Elneny.
Pjesa e dytë ishte më tepër testim i strategjive për Arsene Wengerin se sa shënimi i një fitoreje të thellë, ku në një moment gjatë pjesës së dytë ndërroi dhjetë lojtarë njëherazi.
Por, Steven Lustica u përkujdes në minutën në minutën e 58 që të shënon golin e vetëm për australianët.
Deri në fund të takimit më nuk pati më gola dhe kështu ndeshja përfundoi me rezultat 3-1.
Vlen të theksohet se për 65 minuta në fushë u paraqit edhe mesfushori Granit Xhaka ndërsa Shkodran Mustafi gjendet në pushime verore shkaku i angazhimit edhe me kombëtaren gjermane, ku e fitoi Kupën e Konfederatave. /Telegrafi/
