Përleshja fizike në veri, arrestohen katër persona për lëndim të rëndë trupor

Policia e Kosovës ka arrestuar katër persona të dyshuar për veprën penale “Lëndim i rëndë trupor”.

Sipas njoftimit të Policisë, të arrestuarit janë:

M.P, 20 vjeç

L.K, 22 vjeç

A.S, 23 vjeç

B.D, 29 vjeç

Arrestimi i tyre është bërë pas një pune intensive hetimore nga Stacioni Policor Mitrovicë Veri.

Të dyshuarit janë identifikuar dhe arrestuar mbi bazën e dyshimeve të arsyeshme për përfshirje në një përleshje të ndodhur më 17 mars 2025, në një kafiteri në rrugën “Xhon Kenedi”, Mitrovicë Veri.

Si pasojë e kësaj përleshjeje, janë lënduar dy persona:

M.P, 33 vjeç

Një 27-vjeçare

Të lënduarit kanë marrë tretman mjekësor dhe vazhdojnë të jenë nën përkujdesje mjekësore në Spitalin Rajonal të Mitrovicës Veriore.

Pas intervistimit, prokurori i rastit ka urdhëruar ndalimin e të dyshuarve për 48 orë.

“Policia e Kosovës ka ritheksuar përkushtimin e saj për të luftuar dhunën dhe për të garantuar sigurinë e qytetarëve. Po ashtu, inkurajon qytetarët të raportojnë raste të ngjashme për të mundësuar ndërmarrjen e veprimeve të nevojshme ligjore.”