Njësitet policore në Mitrovicë e Skenderaj kanë arrestuar dy persona, të cilët ishin në kërkim me urdhëresa të lëshuara nga gjykatat kompetente.
Sipas një njoftimi për media bëhet e ditur se të dyshuarit janë arrestuar në bazë të urdhëresave aktive dhe, pas përfundimit të procedurave të nevojshme policore, janë proceduar më tej tek autoritetet gjyqësore.
“Policia e Kosovës vazhdon të zbatojë vendimet gjyqësore dhe mbetet e përkushtuar në garantimin e rendit dhe sigurisë publike”, thuhet në njoftim. /Telegrafi/
