Zyra e Kryeministrit është shprehur e kënaqur me punën që deri më tani kanë bërë zëvendësministrat, numri i të cilëve arrin në 80, por njëjtë nuk mendojnë përfaqësuesit e partive politike nga opozita, LDK-PSD.
Shefi i Grupit Parlamentar i partisë Socialdemokrate (PSD), Dardan Sejdiu, në një prononcim për Telegrafin ka thënë se çdo kryeministër i cili vjen po lavdërohet për të njëjtat politika ku për të njëjtën kohë rezultatet janë po të njëjtat.
Sejdiu tha se Qeveria Haradinaj zbaton politikat të cilat nuk janë vendimtare për Kosovën.
“Prej viti 2000 e deri më tash ka vetëm ndryshim figurash e jo ndryshim politikash. Në vitin 2001 kemi filluar me instalimin e politikave të cilat na ka sjellë në këtë gjendje. Çdo kryeministër i cili vjen po lavdërohet për të njëjtat politika, ku për të njëjtën kohë rezultatet janë po të njëjtat. Edhe kryeministri Haradinaj nuk dallon nga kryeministrat tjerë. Kemi të bëjmë me një qeveri e cila po zbaton politikat të cilat nuk janë vendimtare, e cila nuk e kupton që zhvillim pa ndërtim të njeriut, të rrjetit social nuk mund të kenë mirëqenie qytetarët. Pra një qeveri e cila nuk punon në ndërtimin e kapaciteteve në sistem shëndetësorë, në mbrojtje të atyre që nuk kanë. Është qeveri e cila punon vetëm për ata që kanë dhe këto lloj politikash janë vetëm duke u zbatuar e që shkojnë në favor të grupeve të caktuara qoftë në ekonomi apo në tema tjera”, u shpreh Sejdiu.
Mirëpo ai tha se i vetmi dallim i kryeministrit Haradinaj me paraardhësit e tij është sinqeriteti që ai tregon për mosdije rreth disa temave.
“Qeveria Haradinaj nuk ka bërë ndryshim të politikave të cilat i kemi parë në qeveritë Mustafa, Thaçi, Çeku e të tjera. Dallimi i këtij kryeministri në krahasim me të tjerët është që është i sinqertë në situata të caktuara sepse tregon që nuk e dinë një temë. Pra ai shpesh në Kuvend ka ardhë dhe ka thënë që nuk e dinë këtë temë. Ndërsa kryeministrat e kaluar kanë treguar që janë të gjithë dijshëm….kjo është një përmirësim besoj, është pak më i sinqertë se të tjerët duke i pranuar ato që nuk i dinë”, theksoi deputeti Sejdiu.
Edhe deputeti i Lidhjes Demokratike të Kosovës, Armend Zemaj, për Telegrafin tha se i ka humbur kuptimi për të vlerësuar punën e kësaj Qeverie.
Sipas tij, kjo qeveri është e paaftë për të zhvilluar vendin pasi ka njerëz të ndjekur nga drejtësia.
“I ka humbur kuptimi për vlerësimin e punës se kësaj Qeverie, duke marrë parasysh skandalet e hapura absolutisht pa asnjë frikë nga ligji apo të ndëshkimit nga drejtësia. Andaj në këtë vijë të vlerësimit është edhe opinioni ynë. Sidomos kur kemi një qeveri të paaftë për të zhvilluar vendin, një qeveri me njerëz të ndjekur nga drejtësia dhe një qeveri të çakorduar në vendimmarrjen institucionale”, ka thënë Zemaj.
Ai po ashtu tha kryeministri i vendit nuk mund të bëj vlerësimin e zëvendës kryeministrave pasi nuk i njeh ata.
“ Rasti i zëvendës ministrave dhe punës së tyre është më shumë në nivelin e mbulimit të kërkesave të interesave të individëve dhe grupeve brenda këtij koalicioni qeverisës. Në fund të fundit si mund të vlerëson një kryeminister punën e zv.ministarve ku nuk i njeh se kush janë, në cilat dikastere punojnë dhe çka veprojnë brenda kësaj qeverie aktuale”, tha ndër të tjera deputeti Zemaj.
Ndryshe, në bazë të raporteve të punës që i kanë dorëzuar në zyrën e kryeministrit, Koordinatori Nacional për Reforma Shtetërore, Besnik Tahiri, ka thënë për gazetën “Epoka e re” shihet se zëvendësministrat kanë pasur angazhime serioze. /Telegrafi/
Promo
Reklamo këtuLufta Prigozhin - Putin
Më shumëHovenier: Njohja reciproke është qëndrim i administratës Biden, por s’mendojmë se do të ndodhë tani
Rezoluta për Srebrenicën, Kamberi: Grusht i fortë për politikën e Vuçiqit
Krasniqi i përgjigjet Haradinajt: Nuk jemi fëmijë me na mashtru Albini
Dezinformimi dhe propaganda, SHBA-ja dhe BE-ja në koordinim për Integritetin e Informacionit në Ballkanin Perëndimor
Festuan apo protestuan? Serbët defilojnë me vetura e flamuj në Mitrovicën e Veriut, pas miratimit të rezolutës për gjenocidin në Srebrenicë
Cili është qëndrimi i ambasadorit të Gjermanisë për shpërndarjen e Kuvendit të Kosovës?
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Vuçiq: Sonte përfundoi karriera ime
Hovenier: Njohja reciproke është qëndrim i administratës Biden, por s’mendojmë se do të ndodhë tani
Gjashtë lojtarë të Barcelonës që mund të mos kenë të ardhme nën drejtimin e Hansi Flick
Vetëm një shtet i BE-së votoi kundër rezolutës së OKB-së për gjenocidin në Srebrenicë
Man City e sheh ish-lojtarin e tyre si zëvendësuesin perfekt të Guardiolas
Skena të shëmtuara pas finales Trepça-Ylli: Përleshje në palestrën "Minatori" - theren dy persona