Më në fund, Apple do të zbulojë shërbimin e tyre të transmetimit të videos në një ngjarje muajin e ardhshëm, sipas raportit të fundit. Rivali i Netflix, i cili tashmë ka një numër projektesh të profilit të lartë, pritet të jetë në dispozicion nga marsi.

Shërbimi i parapagimit mujor pritet të ndjek hapat e Netflix ose Amazon Prime Video dhe të ofrojë një përzierje të filmave të veçantë. Është e paqartë nëse Apple do të ofrojë një model me nivele – me disa veçori si cilësia e imazhit Ultra HD, abonimet mujore më të shtrenjta etj.

Eshtë informuar se Apple ka investuar më shumë se 1 miliardë dollarë për përmbajtjen origjinale, përfshirë një ringjallje të serisë së Steven Spielberg të vitit 1985, Amazing Stories, një seri dramash ende e pa titulluar nga regjisori i  La La Land etj. /Telegrafi/