iPhone i vogël nuk po shitet dhe ka arritur fundin e parakohshëm të prodhimit.

“Pse nuk ka më telefona inteligjent të vegjël?” Kjo pyetje vjen përsëri dhe përsëri kur bëhet fjalë për blerjen e një telefoni celular të ri.

Apple me sa duket priste që një telefon inteligjent i vogël mund të përfaqësonte një shitje më të mirë në treg.

Por iPhone 12 Mini është bërë një i shitur shumë ngadalë dhe nuk ka gjasa të ketë një pasardhës.

Kështu, Apple tashmë ka ndaluar përfundimisht prodhimin e iPhone të vogël, transmeton Telegrafi.

Rezultatet zhgënjyese të shitjeve

“Apple ndoshta do të përqendrohet në shitjen e 3 modeleve jo-Mini për serinë e iPhone 12s”, shkruan kompania e hulumtimit të tregut Trendforce.

Reklama

iPhone 12 Mini arriti fundin e tij të parakohshëm të prodhimit në tremujorin e 2-të të vitit 2021.

Reklama

Trendforce përmend shifrat zhgënjyese të shitjeve si arsyen e fundit të parakohshëm.

Fundi i prodhimit të iPhone 12 Mini nuk është për t’u habitur.

Në muajt e fundit ka pasur zëra se më i vogli nga iPhone aktual po shitet veçanërisht keq. Gjoja, iPhone 12 Mini përbënte vetëm rreth 5 për qind të shitjeve totale të gamës së iPhone 12. /Telegrafi/