Anxhela Peristeri flet për emocionet përpara performancës në “Eurovision 2021”, zbulon disa detaje të tjera

Tashmë prej disa muajsh ka nisur përgatitjet për pjesëmarrjen e saj në kompeticionin muzikor “Eurovision”.

Fjala është për artisten Anxhela Peristeri, e cila do të ngjitet në skenë në natën e dytë, më 20 maj dhe do të jetë e 11-ta në radhë për të kënduar.

E njëjta do përfaqësojë këtë vit Shqipërinë me projektin “Karma”, që njëherësh ka vendosur t’i qëndrojë versionit shqip të këngës duke ndryshuar vetëm disa detaje të vogla.

View this post on Instagram

A post shared by Music is my religion!♈️ (@anxhelaperisteriofficial_)

Këngëtarja së fundmi ka qenë e ftuar në emisionin ‘Soiree’ me Jonida Shehun, ku ka folur për emocionet para Eurovisionit dhe përgatitjet për t’u ngjitur në skenë.

Peristeri bëri të ditur se përsa i përket performancës, do të bashkëpunojë me koreografen e njohur suedeze, Sacha Jean-Baptiste me të cilën ka rënë në kontakt nëpërmjet e-mailit.

Lexo po ashtu Anxhela Peristeri do të performojë në natën e dytë gjysmëfinale në “Eurovision”

Duke marrë parasysh faktin që jetojmë në një kohë pandemie dhe mënyra jonë e jetesës ka ndryshuar tërësisht, do të jetë vetëm një audiencë e kufizuar që do të lejohet të marrë pjesë në Eurovision – në Roterdam të Holandës.

View this post on Instagram

A post shared by Music is my religion!♈️ (@anxhelaperisteriofficial_)

Anxhela ka theksuar gjithashtu një ndër rregullat kryesore këtë vit të Eurovisionit. Sipas saj dhe grupit organizativ do të qëndrojnë 13 ditë në Roterdam, por të karantinuar.

“13 ditë atje, të gjitha delegacionet do të jenë të karantinuar. Do të bëjnë testin përpara se të shkojnë ditën tjetër për prova”, tha Kleart Duraj.

Teksa Anxhela shtoi: “Në qoftë se një anëtar i skuadrës tonë sëmuret me coronavirus, nuk del në skenë. Nuk s’kualifikohet”.

Sidoqoftë, presim të shohim se çfarë do të ndodhë në vijim. /Telegrafi/