Antonio Contes i pëlqejnë jashtëzakonisht shumë nëntë lojtarë të Manchester United dhe do të donte të punonte me ta

Ole Gunnar Solskjaer është ende trajner i Manchester United edhe pse humbja e thëllë me rezultat 5-0 ndaj Liverpool ka hapur një plagë të madhe tek tifozët e kësaj skuadre.

Nuk është çudi që ka presion të madh në punën e norvegjezit dhe kërkohet shkarkimi i tij.

Djajtë e Kuq kanë edhe tri ndeshje para pushimit, të cilat janë shumë të mira për sa i përket të ardhmes së Solskjaer.

Ata udhëtojnë për në Tottenham të shtunën në mbrëmje përpara një udhëtimi jashtë vendit ku do të përballen me Atalantan në Ligën e Kampionëve. Më pas ata kanë ‘Derbin e Mançesterit’ në “Old Trafford” më 6 nëntor.

Nëse United nuk i fiton të tria ndeshjeT, qëndrimi i Solskjaer me siguri do të jetë nën kërcënim.

Por kush mund ta zëvendësojë Olen në Old Trafford? Sipas raportimeve të mediave Antonio Conte është i preferuari.

Gazeta italiane Gazzettaa Dello Sport beson se Conte i ka thënë tashmë ‘po’ një oferte që ka ardhur në drejtim të tij.

Ata shkojnë më tej dhe pretendojnë se nëntë lojtarë aktualë të Manchester United kanë ndihmuar të bindin Conten që të pranojë të bëhet trajneri i tyre nëse Solskjaer shkarkohet.

Ata nëntë lojtarë janë: Cristiano Ronaldo, Paul Pogba, Raphael Varane, Alex Telles, Bruno Fernandes, Anthony Martial, Jadon Sancho, Mason Greenwood dhe Marcus Rashford.

Conte do të donte të punonte me ta, ku si befasi shihen edhe emrat e Telles dhe Martial, që kanë pasur pak minuta.

Megjithatë, Conte sheh diçka tek kjo dyshe, gjë që nuk mund të thuhet tek disa lojtarë të tjerë si Harry Maguire dhe Luke Shaw. /Telegrafi/